Сўнгги йилларда диний-маърифий соҳада кўплаб хайрли ишлар амалга оширилмоқда. Бу эса, табиийки, соҳа ходимлари гарданига катта масъулиятни юклайди. Шу муносабат билан яқинда имом-хатиблар ва имом-ноиблари ҳамда шаҳар-туман бош отинойилари билим ва малакалари синовдан ўтказилиб, белгиланган низомга мувофиқ натижалар асосида уларга тоифалар берилди.
Айни вақтда, Ўзбекистон мусулмонлари идораси кўрсатмасига асосан ҳудудларда фаолият олиб бораётган маҳаллий отинойилар билим ва малакаларини синовдан ўтказиш бошланди. Суҳбат жараёнида отинойиларнинг мутахассилик бўйича билимлари, касбий ва ижодий фаолиятилари белгиланган мезонлар асосида баҳоланади.
Эслатиб ўтамиз, ўтказилаётган аттестациядан асосий мақсад отинойиларнинг профессионал малакаси ва касбига муносиблиги даражасини холисона баҳолаш, зиммасига юкланган вазифалар ҳамда функцияларни бажариш юзасидан масъулиятини оширишдан иборатдир.
Аттестация жараёнлари давом этмоқда.
* * *
So‘nggi yillarda diniy-ma’rifiy sohada ko‘plab xayrli ishlar amalga oshirilmoqda. Bu esa, tabiiyki, soha xodimlari gardaniga katta mas’uliyatni yuklaydi. Shu munosabat bilan yaqinda imom-xatiblar va imom-noiblari hamda shahar-tuman bosh otinoyilari bilim va malakalari sinovdan o‘tkazilib, belgilangan nizomga muvofiq natijalar asosida ularga toifalar berildi.
Ayni vaqtda, O‘zbekiston musulmonlari idorasi ko‘rsatmasiga asosan hududlarda faoliyat olib borayotgan mahalliy otinoyilar bilim va malakalarini sinovdan o‘tkazish boshlandi. Suhbat jarayonida otinoyilarning mutaxassilik bo‘yicha bilimlari, kasbiy va ijodiy faoliyatilari belgilangan mezonlar asosida baholanadi.
Eslatib o‘tamiz, o‘tkazilayotgan attestatsiyadan asosiy maqsad otinoyilarning professional malakasi va kasbiga munosibligi darajasini xolisona baholash, zimmasiga yuklangan vazifalar hamda funksiyalarni bajarish yuzasidan mas’uliyatini oshirishdan iboratdir.
Attestatsiya jarayonlari davom etmoqda.
