Жорий йилнинг 6 февраль куни Ўзбекистон мусулмонлари идораси раиси ўринбосари Жалолиддин домла Хамроқулов, Дин ишлари бўйича қўмита масъул ходими Муҳиддин Ҳакимов ва Ўзбекистон мусулмонлари идораси Масжидлар билан ишлаш бўлими мудири Музаффар Камоловлар Фарғона вилоятига ташриф буюрдилар. Шаҳар-туман бош имом-хатиблари ҳамда имом-ноиблар билан учрашиб мулоқот ўтказдилар.
Мулоқот давомида мамлакатимизда диний-маърифий соҳада олиб борилаётган ислоҳотлар, мўмин-мусулмонлар учун яратилаётган шарт-шароитлар, бу борада диний соҳа ходимлари, айниқса, имом-хатиблар ва имом-ноиблари олдида турган вазифалар айтиб ўтилди. Имом-хатиб билан бирдек имом-ноиблари ҳам масъул-вазифадор экани, вазифага ихлос ва садоқат билан ёндошишда диний соҳа ходимлари бошқаларга ибрат бўлиши лозимлиги, ёшлар тарбияси, уларни замонавий хуружлардан уларни асраб-авайлаш мақсадида маърифий Ислом таълимотларини етказиш, бу борада диний соҳа ходимларининг бурч ва вазифалари, муборак Рамазон ойига тайёргарлик кўриш, масжидлардаги қурилиш ва ободончилик ишларига алоҳида эътибор бериш кераклиги таъкидланди.
* * *
Joriy yilning 6 fevral kuni O‘zbekiston musulmonlari idorasi raisi o‘rinbosari Jaloliddin domla Xamroqulov, Din ishlari bo‘yicha qo‘mita mas’ul xodimi Muhiddin Hakimov va O‘zbekiston musulmonlari idorasi Masjidlar bilan ishlash bo‘limi mudiri Muzaffar Kamolovlar Farg‘ona viloyatiga tashrif buyurdilar. Shahar-tuman bosh imom-xatiblari hamda imom-noiblar bilan uchrashib muloqot o‘tkazdilar.
Muloqot davomida mamlakatimizda diniy-ma’rifiy sohada olib borilayotgan islohotlar, mo‘min-musulmonlar uchun yaratilayotgan shart-sharoitlar, bu borada diniy soha xodimlari, ayniqsa, imom-xatiblar va imom-noiblari oldida turgan vazifalar aytib o‘tildi. Imom-xatib bilan birdek imom-noiblari ham mas’ul-vazifador ekani, vazifaga ixlos va sadoqat bilan yondoshishda diniy soha xodimlari boshqalarga ibrat bo‘lishi lozimligi, yoshlar tarbiyasi, ularni zamonaviy xurujlardan ularni asrab-avaylash maqsadida ma’rifiy Islom ta’limotlarini yetkazish, bu borada diniy soha xodimlarining burch va vazifalari, muborak Ramazon oyiga tayyorgarlik ko‘rish, masjidlardagi qurilish va obodonchilik ishlariga alohida e’tibor berish kerakligi ta’kidlandi.
