Ливанда Сovid-19 коронавирусига қарши кураш доирасида намозларни жамоат бўлиб ўқиш вақтинча тўхтатилди. Бироқ масжидлар азон ўқилиши учун очиқ бўлади.
“Евроньюс” хабарига кўра, Ливан бош муфтийси Абдуллатиф Дарённинг мамлакатдаги ислом олимлари ва муфтийлари билан учрашуви сўнг ана шундай қарор қабул қилинган.
Ливанда коронавирусга чалинганлар сони 100 нафарга яқинлашди, 3 бемор ҳаётдан кўз юмди.
Қувайт ислом ишлари вазирлиги эса намозларнинг уйда ўқилиши ҳақида фатво чиқарди.
Шунингдек, Туркия дин ишлари бошқармаси коронавирус тарқалиши муносабати билан масжидларда жума намозлари ва жамоат намозлари вақтинча ўқилмай турилишини маълум қилди.
Охирги маълумотларга қараганда, Туркияда коронавирусга чалинганлар сони 47 нафарга етган. Ҳукумат қарори билан 20 мамлакатга рейслар бекор қилинди. Чет эллардаги турк фуқароларидан Туркияга қайтмай туриш сўралди, қайтмоқчи бўлганлар эса 14 кунлик карантинга олинади.
16 мартдан эътиборан барча кўнгил очиш марказлари, театрлар, интернет кафелар, истироҳат боғлари ёпилди.
Fargonaziyo.uz сайти таҳририяти
