Янги Ўзбекистонни барпо этиш йўлида барча соҳаларда кенг кўламли ислоҳотлар изчил равишда амалга оширилмоқда. Айниқса, ватан, миллат келажаги ҳақида гап кетганда маънавиятнинг аҳамияти юксакдир. Бугун диний соҳа ходимлари ҳам юрт равнақи ва дин ривожи йўлида самарали меҳнат олиб бораётирлар. Куни кеча, мустақилликнинг ўттиз уч йиллиги муносабати билан Давлат раҳбарининг фармони асосида кўплаб соҳалар қатори диний соҳа вакилларининг ҳам мукофотлангани мамлакатимизда олиб борилаётган катта ўзгаришларнинг намунаси десак муболаға бўлмайди. Айниқса, мукофотланган имом-хатиблар орасида Фарғона вилояти бош имом-хатибининг ўринбосари Алишер домла Наимовнинг ҳам борлиги вилоятдаги имомларни ҳам руҳлантирди.
Ёшларни Ватанга садоқат, элу юртга меҳр-муҳаббат руҳида тарбиялаш, эътиқоди мустаҳкам комил инсон сифатида етиштиришда, албатта, уламоларнинг хизмати ва ўрни беқисдир. Устозлардан Абдували домла Ҳафизов, Саидваққос домла Минаваров, Абдураҳим домла Мўминовлар ҳамда «Ширмонпазлик» масжиди имом-хатиби Юсуфбурҳон домла Қодировлар ҳам ана шундай масъулиятли йўлда фаолият олиб боришган. Мамлакатимиз мустақиллигининг ўттиз уч йиллиги муносабати билан Фарғона вилояти вакиллиги томонидан ташкил этилган тадбирда соҳада узоқ йиллар самарали меҳнат қилган устозлар ҳолидан хабар олиниб, хизматлари эътибор ва эътирофда экани билдирилди. Фарғона вилояти бош имом-хатиби Убайдуллоҳ домла Абдуллаев устозлар билан самимий мулоқот қилди, уларни зиёрат қилиниб, ҳол-аҳвол сўралди. Диний-маърифий соҳадаги ўзгариш ва ислоҳотлар ҳақида гапирилди, ўтган кунлар хотирланиб, бугунги кун учун шукрона келтирилди. Юрт тинчлиги, халқ фаровонлиги, мустақиллигимиз барқарор бўлишини сўраб, дуога қўл очилди. Устозларга эсдалик совғаларини топширилди.
***
Yangi O‘zbekistonni barpo etish yo‘lida barcha sohalarda keng ko‘lamli islohotlar izchil ravishda amalga oshirilmoqda. Ayniqsa, vatan, millat kelajagi haqida gap ketganda ma’naviyatning ahamiyati yuksakdir. Bugun diniy soha xodimlari ham yurt ravnaqi va din rivoji yo‘lida samarali mehnat olib borayotirlar. Kuni kecha, mustaqillikning o‘ttiz uch yilligi munosabati bilan Davlat rahbarining farmoni asosida ko‘plab sohalar qatori diniy soha vakillarining ham mukofotlangani mamlakatimizda olib borilayotgan katta o‘zgarishlarning namunasi desak mubolag‘a bo‘lmaydi. Ayniqsa, mukofotlangan imom-xatiblar orasida Farg‘ona viloyati bosh imom-xatibining o‘rinbosari Alisher domla Naimovning ham borligi viloyatdagi imomlarni ham ruhlantirdi.
Yoshlarni Vatanga sadoqat, elu yurtga mehr-muhabbat ruhida tarbiyalash, e’tiqodi mustahkam komil inson sifatida yetishtirishda, albatta, ulamolarning xizmati va o‘rni beqisdir. Ustozlardan Abduvali domla Hafizov, Saidvaqqos domla Minavarov, Abdurahim domla Mo‘minovlar hamda «Shirmonpazlik» masjidi imom-xatibi Yusufburhon domla Qodirovlar ham ana shunday mas’uliyatli yo‘lda faoliyat olib borishgan. Mamlakatimiz mustaqilligining o‘ttiz uch yilligi munosabati bilan Farg‘ona viloyati vakilligi tomonidan tashkil etilgan tadbirda sohada uzoq yillar samarali mehnat qilgan ustozlar holidan xabar olinib, xizmatlari e’tibor va e’tirofda ekani bildirildi. Farg‘ona viloyati bosh imom-xatibi Ubaydulloh domla Abdullayev ustozlar bilan samimiy muloqot qildi, ularni ziyorat qilinib, hol-ahvol so‘raldi. Diniy-ma’rifiy sohadagi o‘zgarish va islohotlar haqida gapirildi, o‘tgan kunlar xotirlanib, bugungi kun uchun shukrona keltirildi. Yurt tinchligi, xalq farovonligi, mustaqilligimiz barqaror bo‘lishini so‘rab, duoga qo‘l ochildi. Ustozlarga esdalik sovg‘alarini topshirildi.
