Кеча, 8 ноябрь куни Фарғона шаҳридаги ТАТУ Фарғона филиали мажлислар залида имом-хатиблар иштирокида йиғилиш бўлиб ўтди. Унда Фарғона вилояти бош имом-хатиби Убайдуллоҳ домла Абдуллаев, бош имом-хатиб ўринбосари Алишер домла Наимов, ФВВ вилоят бошқармаси мутасаддилари, Адлия бошқармаси вакиллари қатнашди.
Фавқулотда вазиятлар бошқармаси мутасаддилари тоионидан масжидларда куз-қиш мавсумига пухта тайёргарлик кўриш, бу борада белгиланган чора-тадбирларни амалга ошириш, электр ва газ ускуналаридан тўғри фойдаланиш, қўлбола жиҳозлардан фойдаланмаслик ҳақида имом-хатибларга тушинтириш берилди.
Шунингдек, йиғилишда сўз олган Адлия бошқармаси мутахассиси “Диний ташкилотларни давлат рўйхатидан ўтказиш учун розилик бериш тартиби тўғрисидаги низомни тасдиқлаш ҳақида”ги қарорга киритилаётган ўзгартиришлар ҳақида маълумот берди.
Вилоят бош имом-хатиби Убайдуллоҳ домла Абдуллаев ўз сўзида бугунги кунда имом-хатиблар зиммасида катта масъулият ва шарафли хизмат тургани, барча имом ва ноиблар ушбу юксак хизматдан ўзини четга олмаслиги, Аҳли сунна вал-жамоа таълимотини сақлаш, ёшларни турли ғоялар таъсиридан асрашда ғайрат кўрсатиш лозимгини таъкидлади.
Йиғилишда имом-хатиблар ўзларини қизиқтирган саволларга мутахассислар томонидан жавоб олдилар.
