Бугун, 22 февраль куни Қозоғистон Республикасининг Атирау шаҳрида “Ислом экстремизмга қарши” мавзусида халқаро анжуман ташкил этилди. Унда Туркия, Миср, Қозоғистон, Қирғизистон, Доғистон Республикасининг нуфузли уламолари қаторида Ўзбекистон мусулмонлари идораси раисининг биринчи ўринбосари Ҳомиджон домла Ишматбеков ҳам фаол иштирок этди.
Тадбир Қуръони карим тиловати ва хайрли дуолар билан бошланди.
Халқаро анжуманни Қозоғистон мусулмонлари идораси раиси, бош муфтий Наврўзбай ҳожи Тағанули очиб, иштирокчиларни ташриф билан қутлади. Сўнгра мамлакатда диний жабҳада амалга оширилаётган хайрли ишлар ва мазкур долзарб мавзудаги йиғилишдан кўзланган асосий мақсад ҳақида маъруза қилди.
Нуфузли тадбир давомида Ҳомиджон домла Ишматбеков ҳам мавзу доирасида нутқ қилиб, муҳим таклиф ва ташаббусларни илгари сурди.
Хусусан, мусулмон дунёси турли муаммоларга дуч келаётган бугунги мураккаб шароитда дин пешволари ва Ислом уламоларининг ҳамжиҳатлиги муҳим аҳамиятга эгалигини алоҳида таъкидлади. Бугун дин ниқоби остида ёшларни зўравонликка ва оилавий қадриятларни йўқотишга ундаш йўли билан жамиятда радикал қарашларни тарқатиш авж олаётгани, ушбу таҳдидларнинг олдини олиш ва унга қарши муносиб курашда мусулмон уламолари ва диний соҳа ходимлари пешқадам бўлишлари лозимлигини қайд этди…
* * *
Bugun, 22 fevral kuni Qozog‘iston Respublikasining Atirau shahrida “Islom ekstremizmga qarshi” mavzusida xalqaro anjuman tashkil etildi. Unda Turkiya, Misr, Qozog‘iston, Qirg‘iziston, Dog‘iston Respublikasining nufuzli ulamolari qatorida O‘zbekiston musulmonlari idorasi raisining birinchi o‘rinbosari Homidjon domla Ishmatbekov ham faol ishtirok etdi.
Tadbir Qur’oni karim tilovati va xayrli duolar bilan boshlandi.
Xalqaro anjumanni Qozog‘iston musulmonlari idorasi raisi, bosh muftiy Navro‘zbay hoji Tag‘anuli ochib, ishtirokchilarni tashrif bilan qutladi. So‘ngra mamlakatda diniy jabhada amalga oshirilayotgan xayrli ishlar va mazkur dolzarb mavzudagi yig‘ilishdan ko‘zlangan asosiy maqsad haqida ma’ruza qildi.
Nufuzli tadbir davomida Homidjon domla Ishmatbekov ham mavzu doirasida nutq qilib, muhim taklif va tashabbuslarni ilgari surdi.
Xususan, musulmon dunyosi turli muammolarga duch kelayotgan bugungi murakkab sharoitda din peshvolari va Islom ulamolarining hamjihatligi muhim ahamiyatga egaligini alohida ta’kidladi. Bugun din niqobi ostida yoshlarni zo‘ravonlikka va oilaviy qadriyatlarni yo‘qotishga undash yo‘li bilan jamiyatda radikal qarashlarni tarqatish avj olayotgani, ushbu tahdidlarning oldini olish va unga qarshi munosib kurashda musulmon ulamolari va diniy soha xodimlari peshqadam bo‘lishlari lozimligini qayd etdi…
