Барчамизни Аллоҳ таоло яратган. Тақдирларимизни иҳота қилувчи ягона Зот ҳам фақатгина Роббимизнинг Ўзидир. Қуръони каримда: “…Албатта, биз Аллоҳнинг ихтиёридамиз ва албатта, биз Унинг ҳузурига қайтувчилармиз…” дейилган.
Ўзбекистон мусулмонлари идораси Фарғона вилояти вакиллиги, барча имом-хатиблар ҳамда Alhidoya.uz сайти жамоаси Фурқат тумани бош имом-хатиби Анваржон домла Фармонқуловнинг вафоти муносабати билан оила аъзолари ва яқинларига чуқур таъзия изҳор этади.
Аллоҳ марҳум домламизни мағфират қилсин, савобли амаллари билан қабрларини нурга тўлдириб, жойларини жаннатда қилсин! Дин ривожи, халқ маърифати ва ватан равнақи йўлида қилган барча хизматларини Аллоҳ қабул айласин!
Қолган барча яқинларига Аллоҳ сабри жамил берсин! Домланинг яқинлари, фарзанду аржумандларига чиройли сабр бериб, бу мусибатларга ажру мукофотлар ато этсин.
Жаноза намози бугун, 28 апрель куни пешин намозидан сўнг Фурқат туманидаги «Ал-мадинатул мунаввара» масжидида ўқилади.
Иннаа лиллааҳи ва иннаа илайҳи рожиъуун.
* * *
Barchamizni Alloh taolo yaratgan. Taqdirlarimizni ihota qiluvchi yagona Zot ham faqatgina Robbimizning O‘zidir. Qur’oni karimda: “…Albatta, biz Allohning ixtiyoridamiz va albatta, biz Uning huzuriga qaytuvchilarmiz…” deyilgan.
O‘zbekiston musulmonlari idorasi Farg‘ona viloyati vakilligi, barcha imom-xatiblar hamda Alhidoya.uz sayti jamoasi Furqat tumani bosh imom-xatibi Anvarjon domla Farmonqulovning vafoti munosabati bilan oila a’zolari va yaqinlariga chuqur ta’ziya izhor etadi.
Alloh marhum domlamizni mag‘firat qilsin, savobli amallari bilan qabrlarini nurga to‘ldirib, joylarini jannatda qilsin! Din rivoji, xalq ma’rifati va vatan ravnaqi yo‘lida qilgan barcha xizmatlarini Alloh qabul aylasin!
Qolgan barcha yaqinlariga Alloh sabri jamil bersin! Domlaning yaqinlari, farzandu arjumandlariga chiroyli sabr berib, bu musibatlarga ajru mukofotlar ato etsin.
Janoza namozi bugun, 28 aprel kuni peshin namozidan so‘ng Furqat tumanidagi «Al-madinatul munavvara» masjidida o‘qiladi.
Innaa lillaahi va innaa ilayhi roji’uun.
