“ЭНГ ЯХШИ КИТОБХОН” танлови бўлиб ўтади

Ўзбекистон мусулмонлари идораси тасарруфидаги олий ва ўрта махсус диний таълим муассасаларида таълим олаётган талабаларни китобхонликка қизиқтириш ҳамда уларни муносиб тақдирлаш мақсадида жорий 2022-2023 ўқув йилида талабалар ўртасида “Энг яхши китобхон” кўрик танлови ташкил этилди. Яқинда мазкур танловнинг саралаш босқичлари якунланиб, унда фахрли биринчи ўринни эгаллаган талабалар танловнинг Республика босқичи йўлланмасини қўлга киритди.
Эртага, 24 май куни мазкур танловнинг якуний босқичига старт берилади. Тошкент шаҳридаги “Кўкалдош” ўрта махсус ислом таълим муассасаси мезбонлигида ўтказиладиган танлов 25-май куни Ўзбекистон Ёзувчилар уюшмасида бўлиб ўтади.
Унда талабалар бир неча шартлар асосида ўзаро беллашадилар. Уларнинг чиқишларини таниқли адабиётшунос олим ва ёзувчилар баҳолаб боради.
Бизни кузатиб боринг, танлов жараёнлари тўғрисида маълумотлар бериб борамиз.