“Вақф” фонди Фарғона вилоят филиали томонидан, Фарғона шаҳридаги муҳташам “Сарбон” тўйхонасида вилоятда фаолият олиб бораётган отинойилар иштирокида «Диёнатли оқила аёл жамиятимиз гултожидир» мавзусидаги диний-маърифий хайрия тадбири ўтказилди.
Тадбир давомида меҳмонлар ва азиз опа-сингилларимизга вилоят бош имом-хатиби Убайдуллоҳ домла Абдуллаевнинг табрик ва саломлари етказилиб, Фарғона вилояти вакиллигининг ташаккурномалари ҳамда Вақф фонд томонидан Қуръони карим нусхалари, ҳомийлар томонидан махсус эсдалик совғалар тақдим этилди.
