Бешариқ тумани «Умар ибн Абдулазиз» масжиди имом-хатиби ҳамда туман бош имом-хатиби вазифасида ишлаб келган Саидваққос домла Минавваров ўз хоҳишига кўра вазифасидан озод этилди.
Шу вақтга қадар мазкур масжид имом-ноиби вазифасида ишлаб келаётган Ўтанбоев Абдуҳаким «Умар ибн Абдулазиз» масжиди имом-хатиби этиб тайинланди.
Фарғона вилояти бош имом-хатиби Убайдуллоҳ домла Абдуллаев масжидга ташриф буюриб, бу ҳақда жамоатга маълум қилди.
Эслатиб ўтамиз, аввалроқ Марғилон шаҳридаги иккита масжидда ўзгариш бўлгани ҳақида хабар берилганди.
