4 нафар вилоятимиз вакилларига “Диний бағрикенглик” кўкрак нишони топширилди.
Ўзбекистон Республикаси Вазирлар Маҳкамасининг 2023 йил 25 сентябрдаги “Диний бағрикенглик” кўкрак нишонини таъсис этиш тўғрисида”ги қарорига кўра, ушбу кўкрак нишони билан диний-маърифий соҳадаги ислоҳотларни тарғиб этиш, фуқароларнинг эътиқод эркинлигини таъминлаш, динлараро ҳамжиҳатликни мустаҳкамлаш ва маънавий муҳит барқарорлигини сақлашдаги ибратли ишлари учун етук уламолар, атоқли арбоблар, диний соҳа раҳбарлари, халқаро ташкилотлар вакиллари ҳамда хорижий олимлар тақдирланиши белгиланган.
Бу йил ҳам мамлакатимизда истиқомат қилаётган ватандошларимизнинг катта гуруҳи ана шу кўкрак нишони билан тақдирланди. Улар орасида 4 нафар вилоятимиз вакиллари бор.
Бугун вилоят ҳокимлигида бўлиб ўтган тадбирда вилоят ҳокими Хайрулло Бозоров мазкур кўкрак нишонларини ўз эгаларига топширди.
***
4 nafar viloyatimiz vakillariga “Diniy bag‘rikenglik” ko‘krak nishoni topshirildi.
O‘zbekiston Respublikasi Vazirlar Mahkamasining 2023 yil 25 sentyabrdagi “Diniy bag‘rikenglik” ko‘krak nishonini ta’sis etish to‘g‘risida”gi qaroriga ko‘ra, ushbu ko‘krak nishoni bilan diniy-ma’rifiy sohadagi islohotlarni targ‘ib etish, fuqarolarning e’tiqod erkinligini ta’minlash, dinlararo hamjihatlikni mustahkamlash va ma’naviy muhit barqarorligini saqlashdagi ibratli ishlari uchun yetuk ulamolar, atoqli arboblar, diniy soha rahbarlari, xalqaro tashkilotlar vakillari hamda xorijiy olimlar taqdirlanishi belgilangan.
Bu yil ham mamlakatimizda istiqomat qilayotgan vatandoshlarimizning katta guruhi ana shu ko‘krak nishoni bilan taqdirlandi. Ular orasida 4 nafar viloyatimiz vakillari bor.
Bugun viloyat hokimligida bo‘lib o‘tgan tadbirda viloyat hokimi Xayrullo Bozorov mazkur ko‘krak nishonlarini o‘z egalariga topshirdi.
