Aгар ўн йилнинг қадрини билмоқчи бўлсанг – 20 ёшида ногирон бўлиб қолган 30 ёшли одамдан сўра.
Aгар бир йилнинг қадрини билмоқчи бўлсанг – имтиҳондан йиқилган талабадан сўра.
Aгар бир ойнинг қадрини билмоқчи бўлсанг – фарзанди саккиз ойда туғилган онадан сўра.
Бир куннинг қадрини билмоқчи бўлсанг – ҳосили куз ёмғирида қолган дехқондан сўра.
Бир соатнинг қадрини билмоқчи бўлсанг – уйига бир соат кеч келган тарбияли фарзанддан сўра.
Беш дақиқанинг миқдорини билмоқчи бўлсанг – поездга кеч қолган йўловчидан сўра.
Бир дақиқанинг ўндан бир миқдорини билмоқчи бўлсанг – беморни касалхонага олиб келаётган ҳайдовчидан сўра.
Бир умрнинг қадрини билмоқчи бўлсанг – капалаклардан сўра!
Ўтган аҳли илм, устозларнинг бир гапи бор: вақтлар дуру гавҳарларга топилмайди, дуру гавҳарлар вақтлар ўтиши билан топилади. Қанча бойлар умрини бир лаҳзага узайтиролмади, чунки Aллоҳ жалла ва ало сизу бизларга тақдироти азалийда шуни белгиланган. Шундай экан, умримиз қадрига етайлик! Ундан унумли фойланиб қолишга улгурайлик!
Муҳаммадрасул ЖАМОЛОВ,
Фарғона тумани “Тўрахон ҳожи” масжиди имом-хатиби
