Савол: Ассалому алайкум!
— Хуфтон намозини ва витри вожиб намозини ўқидим. Ўқиб бўлганимдан кейин фарзида ўқиган сурамда маъно бузиладиган хато қилибман. Фарзини ўқиб олдим. Шунда витри вожибни ҳам қайта ўқишим керакми?
Жавоб: Ва алайкум ассалом!
— Бу ҳолатда икки хил гап бор. Абу Ҳанифа раҳимаҳуллоҳ қайтармайди деганлар. Чунки витр намози у кишининг наздида вожибдир. Икки шогирдлари қайтариб ўқийди дейишган.
Аммо хуфтоннинг фарзи ва витр орасида тартибга, яъни аввал фарзи кейин витрни ўқиш лозим. Агар кимдир била туриб аввал витрни кейин фарзини ўқиса, кейин яна витрни қайта ўқийди. Валлоҳу аълам.
ЎМИ Фатво маркази
* * *
Savol: Assalomu alaykum!
— Xufton namozini va vitri vojib namozini o‘qidim. O‘qib bo‘lganimdan keyin farzida o‘qigan suramda ma’no buziladigan xato qilibman. Farzini o‘qib oldim. Shunda vitri vojibni ham qayta o‘qishim kerakmi?
Javob: Va alaykum assalom!
— Bu holatda ikki xil gap bor. Abu Hanifa rahimahulloh qaytarmaydi deganlar. Chunki vitr namozi u kishining nazdida vojibdir. Ikki shogirdlari qaytarib o‘qiydi deyishgan.
Ammo xuftonning farzi va vitr orasida tartibga, ya’ni avval farzi keyin vitrni o‘qish lozim. Agar kimdir bila turib avval vitrni keyin farzini o‘qisa, keyin yana vitrni qayta o‘qiydi. Vallohu a’lam.
O‘MI Fatvo markazi
