Савол: Ассалому алайкум!
— Савдода нақд пулга сотаётган маҳсулотни агар насияга қимматроқ сотса рибога кирадими?
Жавоб: Ва алайкум ассалом!
— Йўқ, бу рибога кирмайди. Нақдга 100, насияга 120 дейилса, кейин сотувчи ва харидор икки нархдан бирига келишсалар, савдо дуруст. Лекин мана шундай иккита нарх айтилганда, бўлди олдим, деб икки нархдан бирига келишмай ажралсалар, савдо дуруст эмас. Валлоҳу аълам.
ЎМИ Фатво ҳайъати
