Рўзадор милкига укол қилдирса, рўзаси очиладими?

Жавоб: Ва алайкум ассалом!

— Замонамиз уламолари тери ости, мушаклар ораси, ёнбош ва милкка укол қилиш билан рўза бузилмайди, дейдилар. Чунки мўътабар фиқҳий китобларимизда тери тешикларидан ёки ноодатий йўллардан терининг орасига бирор нарса кириши, масалан, илон чақиб олиши, совуқ сувда ғусл қилиш натижасида тери орасидан ичкарига сув ўтиши кабилар рўзани очмаслиги айтилган. Шунинг учун ҳам милклар орасига укол олиш рўзани бузмайди. Фақат рўзадор қон ва дориларни ҳалқумдан ичкарига ўтиб кетишидан эҳтиёт бўлиши керак. Акс ҳолда рўзаси очилиб кетади. Шунинг учун бундай муолажаларни имкон бўлса, оғиз очгандан кейинга қолдирган маъқул. Валлоҳу аълам.

Ўзбекистон мусулмонлари идораси
Фатво маркази

***

Savol: Assalomu alaykum!

— Ro‘zador milkiga ukol qildirsa, ro‘zasi ochiladimi?

Javob: Va alaykum assalom!

— Zamonamiz ulamolari teri osti, mushaklar orasi, yonbosh va milkka ukol qilish bilan ro‘za buzilmaydi, deydilar. Chunki mo‘tabar fiqhiy kitoblarimizda teri teshiklaridan yoki noodatiy yo‘llardan terining orasiga biror narsa kirishi, masalan, ilon chaqib olishi, sovuq suvda g‘usl qilish natijasida teri orasidan ichkariga suv o‘tishi kabilar ro‘zani ochmasligi aytilgan. Shuning uchun ham milklar orasiga ukol olish ro‘zani buzmaydi. Faqat ro‘zador qon va dorilarni halqumdan ichkariga o‘tib ketishidan ehtiyot bo‘lishi kerak. Aks holda ro‘zasi ochilib ketadi. Shuning uchun bunday muolajalarni imkon bo‘lsa, og‘iz ochgandan keyinga qoldirgan ma’qul. Vallohu a’lam.

O‘zbekiston musulmonlari idorasi
Fatvo markazi