Савол: Ассалому алайкум!
— Биз ишлайдиган жойда совуқ қаттиқ бўлади. Гоҳида ташқарида намоз ўқишга тўғри келиб қолади. Шундай пайтда қўлқоп кийиб намоз ўқисак бўладими?
Жавоб: Ва алайкум ассалом!
— Уламолар намозда қулоқ қоқиш вақтида қўллар очиқ туришини мустаҳаб дейишган. Яъни қилса савоб, қилмаса гуноҳ бўлмайдиган амал. Шу сабабли совуқ кучайиб кетган вақтларда қўлқоп кийиб намоз ўқишнинг зарари йўқ. Расулуллоҳ соллаллоҳу алайҳи васаллам қиш кунларида, ҳаво совуқ бўлган пайтларда эгниларига катта мато кийиб, қўлларини ичига киргизиб намоз ўқиганлари ривоятларда келган. Намозга кириш учун такбир айтиш вақтида кийим остидан қўлларини чиқариб, такбир айтиб, яна қўлларини киргизиб олганлар (“Мирқотул мафотиҳ” китоби). Валлоҳу аълам.
Ўзбекистон мусулмонлари идораси
Фатво маркази
***
Savol: Assalomu alaykum!
— Biz ishlaydigan joyda sovuq qattiq bo‘ladi. Gohida tashqarida namoz o‘qishga to‘g‘ri kelib qoladi. Shunday paytda qo‘lqop kiyib namoz o‘qisak bo‘ladimi?
Javob: Va alaykum assalom!
— Ulamolar namozda quloq qoqish vaqtida qo‘llar ochiq turishini mustahab deyishgan. Ya’ni qilsa savob, qilmasa gunoh bo‘lmaydigan amal. Shu sababli sovuq kuchayib ketgan vaqtlarda qo‘lqop kiyib namoz o‘qishning zarari yo‘q. Rasululloh sollallohu alayhi vasallam qish kunlarida, havo sovuq bo‘lgan paytlarda egnilariga katta mato kiyib, qo‘llarini ichiga kirgizib namoz o‘qiganlari rivoyatlarda kelgan. Namozga kirish uchun takbir aytish vaqtida kiyim ostidan qo‘llarini chiqarib, takbir aytib, yana qo‘llarini kirgizib olganlar (“Mirqotul mafotih” kitobi). Vallohu a’lam.
O‘zbekiston musulmonlari idorasi
Fatvo markazi
