Савол: Ассалому алайкум!
— Шом намозини ўқиётган вақтимда жиянларим ёнимда эди. Намозни бошлаганимдан сўнг олдимдан югуриб ўтиб кетишди. Шунда намозим бузиладими? Улар ҳали 3-4 ёшли болалар.
Жавоб: Ва алайкум ассалом!
— Йўқ, бу ҳолатда намоз бузилмайди. Чунки намоздаги одамнинг олдидан бирор кимсанинг ўтиши намозни бузмайди. Лекин намоздаги одам олдида сутра (устун, тўсқич) каби тўсиқ бўлмаса ёки ўтаётган кимса у билан сутра орасидан ўтмоқчи бўлса, у ҳолда тасбеҳ (субҳаналлоҳ) айтиш ёки қўли билан ишора қилиш орқали олдидан ўтаётган кимсани қайтаради. Чунки балоғатга етган, ақли расо одам намоз ўқиётган одамнинг олдидан ҳеч бир тўсиқсиз ўтадиган бўлса, гуноҳкор бўлади. Аммо балоғатга етмаган, саволда сўралгани каби ёш бола бўлса, у ҳолда гуноҳкор бўлмайди. Лекин шундай бўлсада, имкон қадар ёш болаларни ҳам қўли билан ёки тасбеҳ айтиш орқали қайтариши мақсадга мувофиқ бўлади. Валлоҳу аълам.
Ўзбекистон мусулмонлари идораси
Фатво маркази
***
Savol: Assalomu alaykum!
— Shom namozini o‘qiyotgan vaqtimda jiyanlarim yonimda edi. Namozni boshlaganimdan so‘ng oldimdan yugurib o‘tib ketishdi. Shunda namozim buziladimi? Ular hali 3-4 yoshli bolalar.
Javob: Va alaykum assalom!
— Yo‘q, bu holatda namoz buzilmaydi. Chunki namozdagi odamning oldidan biror kimsaning o‘tishi namozni buzmaydi. Lekin namozdagi odam oldida sutra (ustun, to‘sqich) kabi to‘siq bo‘lmasa yoki o‘tayotgan kimsa u bilan sutra orasidan o‘tmoqchi bo‘lsa, u holda tasbeh (subhanalloh) aytish yoki qo‘li bilan ishora qilish orqali oldidan o‘tayotgan kimsani qaytaradi. Chunki balog‘atga yetgan, aqli raso odam namoz o‘qiyotgan odamning oldidan hech bir to‘siqsiz o‘tadigan bo‘lsa, gunohkor bo‘ladi. Ammo balog‘atga yetmagan, savolda so‘ralgani kabi yosh bola bo‘lsa, u holda gunohkor bo‘lmaydi. Lekin shunday bo‘lsada, imkon qadar yosh bolalarni ham qo‘li bilan yoki tasbeh aytish orqali qaytarishi maqsadga muvofiq bo‘ladi. Vallohu a’lam.
O‘zbekiston musulmonlari idorasi
Fatvo markazi
