Савол: Ассалому алайкум!
— Агар бирор киши таҳоратли бўлса ва уни чивин ёки пашша чақиб, қонини сўрса, бу ҳолатда унинг таҳорати синадими?
Жавоб: Ва алайкум ассалом!
— Йўқ. Чивин ёки пашша каби майда ҳашаротлар таҳорати бор инсон танасидан қон сўрса ҳам, унинг таҳорати синмайди.
Чунки фиқҳий қоидага кўра, инсон танасидан чиққан қон оз миқдорда оқиши билан ҳам таҳорат синади, аммо чиққан жойида атрофга оқмасдан туриб қолса, синмайди.
Фақиҳларимиз майда ҳашаротлар сўрган қонни оқмаган қон ҳукмида бўлади, дейишган. Валлоҳу аълам.
Ўзбекистон мусулмонлари идораси
Фатво маркази
***
Savol: Assalomu alaykum!
— Agar biror kishi tahoratli bo‘lsa va uni chivin yoki pashsha chaqib, qonini so‘rsa, bu holatda uning tahorati sinadimi?
Javob: Va alaykum assalom!
— Yo‘q. Chivin yoki pashsha kabi mayda hasharotlar tahorati bor inson tanasidan qon so‘rsa ham, uning tahorati sinmaydi.
Chunki fiqhiy qoidaga ko‘ra, inson tanasidan chiqqan qon oz miqdorda oqishi bilan ham tahorat sinadi, ammo chiqqan joyida atrofga oqmasdan turib qolsa, sinmaydi.
Faqihlarimiz mayda hasharotlar so‘rgan qonni oqmagan qon hukmida bo‘ladi, deyishgan. Vallohu a’lam.
O‘zbekiston musulmonlari idorasi
Fatvo markazi
