Бугун, 29 март куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари пойтахтимизнинг Олмазор туманидаги «Абу Бакр Қаффоли Шоший” жоме масжидида жамоат билан жума намозини адо этдилар.
Жума намози аввалида Муфтий ҳазратлари намозхонларга закот беришинг фазилати, унинг фойдалари ҳақида мавъиза қилдилар. Хусусан, закоти берилган молнинг баракали бўлиши, турли талофатлардан сақланиши, Рамазон ойида закот беришнинг ажру савоблари бир неча баробар зиёдалиги ҳақида сўз юритдилар. Шунингдек, Рамазони шарифда поклик ва озодаликка эътибор қаратиб, кўкламда бу ишларда шижоатли бўлиш лозимлигига урғу қаратдилар. Ер юзини обод қилиш, дарахтларни экиш, янада кўпроқ жойларни кўкаламзорлаштириш ҳар бир ватандошимизнинг бурчи эканини яна бир бор эслатиб ўтдилар.
* * *
Bugun, 29 mart kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari poytaxtimizning Olmazor tumanidagi «Abu Bakr Qaffoli Shoshiy” jome masjidida jamoat bilan juma namozini ado etdilar.
Juma namozi avvalida Muftiy hazratlari namozxonlarga zakot berishing fazilati, uning foydalari haqida mav’iza qildilar. Xususan, zakoti berilgan molning barakali bo‘lishi, turli talofatlardan saqlanishi, Ramazon oyida zakot berishning ajru savoblari bir necha barobar ziyodaligi haqida so‘z yuritdilar. Shuningdek, Ramazoni sharifda poklik va ozodalikka e’tibor qaratib, ko‘klamda bu ishlarda shijoatli bo‘lish lozimligiga urg‘u qaratdilar. Yer yuzini obod qilish, daraxtlarni ekish, yanada ko‘proq joylarni ko‘kalamzorlashtirish har bir vatandoshimizning burchi ekanini yana bir bor eslatib o‘tdilar.
