Ҳафизахон она Дўстматова ҳамда Обиджон Қорақуловлар бу йил кўпчилик юртдошларимиз қатори Фарғона вилоятидан Ҳаж сафарига отланган эдилар. Аллоҳнинг тақдири ила бу икки зиёратчимиз Маккаи мукаррамада вафот этдилар. Аллоҳ уларни раҳмат айласин!
Фарғона вилояти бош имом-хатиби Убайдуллоҳ домла Абдуллаев Қўқон шаҳри ва Риштон туманига ташриф буюриб, марҳум ҳожилар хонадонида бўлиб, яқинларига таъзия билдирди. Қуръони карим тиловат қилинди.
Уларнинг яқини билан бўлган суҳбатда ҳаж ибодатини адо қилиш нияти ила вафот этган кишиларнинг мукофоти Аллоҳнинг зиммасида бўлиши, қолаверса, биз учун бу мусибат кўринсада, ҳар кимга ҳам насиб бўлмайдиган ҳолат экани айтилиб, марҳумлар ҳаққига дуо қилинди.
***
Hafizaxon ona Do‘stmatova hamda Obidjon Qoraqulovlar bu yil ko‘pchilik yurtdoshlarimiz qatori Farg‘ona viloyatidan Haj safariga otlangan edilar. Allohning taqdiri ila bu ikki ziyoratchimiz Makkai mukarramada vafot etdilar. Alloh ularni rahmat aylasin!
Farg‘ona viloyati bosh imom-xatibi Ubaydulloh domla Abdullayev Qo‘qon shahri va Rishton tumaniga tashrif buyurib, marhum hojilar xonadonida bo‘lib, yaqinlariga ta’ziya bildirdi. Qur’oni karim tilovat qilindi.
Ularning yaqini bilan bo‘lgan suhbatda haj ibodatini ado qilish niyati ila vafot etgan kishilarning mukofoti Allohning zimmasida bo‘lishi, qolaversa, biz uchun bu musibat ko‘rinsada, har kimga ham nasib bo‘lmaydigan holat ekani aytilib, marhumlar haqqiga duo qilindi.
