Бугун, 16 февраль куни Тошкент ислом институтида “Қуръон қироати ва илмлари фан ойлиги” доирасида Таҳфизул Қуръон кафедраси томонидан талабалар ўртасида “Қуръон мусобақаси – 2024” кўрик-танлови ўтказилди.
Каломуллоҳ тиловати билан бошланган тадбирни Ўзбекистон мусулмонлари идораси раиси ўринбосари, институт ректори Муҳаммадолим домла Муҳаммадсиддиқов кириш сўзи билан очиб берди. “Кўкалдош” ўрта махсус ислом таълим муассасаси мудири Абдулҳаким қори Матқулов эса иштирокчиларга табрик сўзи қилди.
Таҳфизул Қуръон кафедраси мудири Жаҳонгир қори Неъматов иштирокчиларни мусобақа шартлари билан таништирди.
Мусобақани Таҳфизул Қуръон кафедрасининг малакали ўқитувчилари баҳолаб борди.
Тадбирни институт кафедра мудири Жаҳонгир қори Рўзиев олиб борди.
Якуний натижалар қуйидагича бўлди:
1-ўрин: Сирожиддин қори Жалилов, 2-курс талабаси;
2-ўрин: Аҳмадуллоҳ қори Ғофуржонов, 4-курс талабаси;
3-ўрин: Муҳаммадамин қори Нажмиддинов, 1-курс талабаси.
“Қуръон мусобақаси – 2024” финал босқичи 1-ўрин соҳиби Тошкент ислом институти талабаси Сирожиддин қори Жалилов Умра йўлланмаси ва пул мукофотини қўлга киритди. Иккинчи ва учинчи ўрин эгаларига қимматбаҳо совғалар топширилди.
* * *
Bugun, 16 fevral kuni Toshkent islom institutida “Qur’on qiroati va ilmlari fan oyligi” doirasida Tahfizul Qur’on kafedrasi tomonidan talabalar o‘rtasida “Qur’on musobaqasi – 2024” ko‘rik-tanlovi o‘tkazildi.
Kalomulloh tilovati bilan boshlangan tadbirni O‘zbekiston musulmonlari idorasi raisi o‘rinbosari, institut rektori Muhammadolim domla Muhammadsiddiqov kirish so‘zi bilan ochib berdi. “Ko‘kaldosh” o‘rta maxsus islom ta’lim muassasasi mudiri Abdulhakim qori Matqulov esa ishtirokchilarga tabrik so‘zi qildi.
Tahfizul Qur’on kafedrasi mudiri Jahongir qori Ne’matov ishtirokchilarni musobaqa shartlari bilan tanishtirdi.
Musobaqani Tahfizul Qur’on kafedrasining malakali o‘qituvchilari baholab bordi.
Tadbirni institut kafedra mudiri Jahongir qori Ro‘ziyev olib bordi.
Yakuniy natijalar quyidagicha bo‘ldi:
1-o‘rin: Sirojiddin qori Jalilov, 2-kurs talabasi;
2-o‘rin: Ahmadulloh qori G‘ofurjonov, 4-kurs talabasi;
3-o‘rin: Muhammadamin qori Najmiddinov, 1-kurs talabasi.
“Qur’on musobaqasi – 2024” final bosqichi 1-o‘rin sohibi Toshkent islom instituti talabasi Sirojiddin qori Jalilov Umra yo‘llanmasi va pul mukofotini qo‘lga kiritdi. Ikkinchi va uchinchi o‘rin egalariga qimmatbaho sovg‘alar topshirildi.