Бугун, 1 март куни Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг Фарғона вилояти сафари давомида “Эшонбобо”, “Пошшопирим”, “Хўжамбердибой”, “Абу Ҳанифа”, «Зайд ибн Собит», “Хўжа Илғор” ва “Қаландархона” жоме масжидларида Рамазон ойига тайёргарлик жараёнлари билан танишилди.
Масжидларда мўмин-мусулмонлар ибодат қилиши учун етарли шарт-шароитларни ҳозирлашга алоҳида эътибор қаратилиб, масжид бинолари техник ҳолатини яхшилаш, хавфсизлик қоидалари ва санитария-гигиена талабларига жавоб беришини таъминлаш бўйича тегишли кўрсатма ва тавсиялар берилди.
Ташриф давомида Бувайда туманидаги халқ тилида “Пошшопирим” зиёратгоҳи деб аталадиган Шоҳ Муҳаммад ибн Жарир қадамжоси зиёрат қилиниб, улуғ алломалар ҳаққига хайрли дуолар қилинди.
Маълумот ўрнида, Ҳазрати Муҳаммад Жарир 727-760 йилларда яшаб ўтган. У Фарғона ҳудудига ҳукмдор бўлиш билан бирга диний ва дунёвий илмларда етук бўлган. Шу боис, маҳаллий аҳоли у кишини ҳам подшоҳ, ҳам пир деб «Пошшопирим» деб аташган.
* * *
Bugun, 1 mart kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining Farg‘ona viloyati safari davomida “Eshonbobo”, “Poshshopirim”, “Xo‘jamberdiboy”, “Abu Hanifa”, «Zayd ibn Sobit», “Xo‘ja Ilg‘or” va “Qalandarxona” jome masjidlarida Ramazon oyiga tayyorgarlik jarayonlari bilan tanishildi.
Masjidlarda mo‘min-musulmonlar ibodat qilishi uchun yetarli shart-sharoitlarni hozirlashga alohida e’tibor qaratilib, masjid binolari texnik holatini yaxshilash, xavfsizlik qoidalari va sanitariya-gigiyena talablariga javob berishini ta’minlash bo‘yicha tegishli ko‘rsatma va tavsiyalar berildi.
Tashrif davomida Buvayda tumanidagi xalq tilida “Poshshopirim” ziyoratgohi deb ataladigan Shoh Muhammad ibn Jarir qadamjosi ziyorat qilinib, ulug‘ allomalar haqqiga xayrli duolar qilindi.
Ma’lumot o‘rnida, Hazrati Muhammad Jarir 727-760 yillarda yashab o‘tgan. U Farg‘ona hududiga hukmdor bo‘lish bilan birga diniy va dunyoviy ilmlarda yetuk bo‘lgan. Shu bois, mahalliy aholi u kishini ham podshoh, ham pir deb «Poshshopirim» deb atashgan.
