Мустақилликнинг 35 йиллиги муносабати билан мамлакатимиз бўйлаб ўтказилаётган маънавий-маърифий ҳамда спорт тадбирлари доирасида Фарғона вилоятида диний соҳа вакиллари иштирокида “Ягона Ватан, ягона халқ бўлиб, янги ҳаёт ва келажак яратамиз!” шиори остида “Заковат” интеллектуал ўйинининг вилоят босқичи ўтказилган эди.
Унда вилоятнинг турли ҳудудларидан ташриф буюрган диний соҳа вакиллари ўзаро билим ва тафаккурини синовдан ўтказди. Қувонарлиси, муросасиз кечган билимлар беллашувида марғилонлик иштирокчилар юқори натижани қайд этиб, фахрли 1-ўринни қўлга киритдилар.
Бугун ғолиб жамоа вакиллари билан учрашув ўтказган шаҳар ҳокими Элбек Рустамов уларни муносиб ғалаба билан самимий муборакбод этди. Учрашувда юртимизда диний-маърифий соҳада амалга оширилаётган ислоҳотлар, ёшлар маънавиятини юксалтириш, жамиятда тинчлик ва тотувликни мустаҳкамлашда диний соҳа вакилларининг ўрни ҳақида фикр алмашилди.
Ғолиб иштирокчиларга шаҳар ҳокимлигининг ташаккурномалари ҳамда қимматбаҳо совғалар топширилиб, уларнинг келгусидаги фаолиятларига муваффақият тиланди.
Суҳбат давомида яқинлашиб келаётган Мустақиллик байрамининг 35 йиллик тантаналари, мамлакатимизда ҳукм сураётган тинчлик-осойишталик ва халқимиз фаровонлиги ҳақида ҳам сўз юритилди. Ушбу қутлуғ сана юртимизнинг бугунги тараққиёти, халқимизнинг бунёдкорлик салоҳияти ва эртанги кунга бўлган ишончининг ёрқин ифодаси экани қайд этилди.
***
Mustaqillikning 35 yilligi munosabati bilan mamlakatimiz bo‘ylab o‘tkazilayotgan ma’naviy-ma’rifiy hamda sport tadbirlari doirasida Farg‘ona viloyatida diniy soha vakillari ishtirokida “Yagona Vatan, yagona xalq bo‘lib, yangi hayot va kelajak yaratamiz!” shiori ostida “Zakovat” intellektual o‘yinining viloyat bosqichi o‘tkazilgan edi.
Unda viloyatning turli hududlaridan tashrif buyurgan diniy soha vakillari o‘zaro bilim va tafakkurini sinovdan o‘tkazdi. Quvonarlisi, murosasiz kechgan bilimlar bellashuvida marg‘ilonlik ishtirokchilar yuqori natijani qayd etib, faxrli 1-o‘rinni qo‘lga kiritdilar.
Bugun g‘olib jamoa vakillari bilan uchrashuv o‘tkazgan shahar hokimi Elbek Rustamov ularni munosib g‘alaba bilan samimiy muborakbod etdi. Uchrashuvda yurtimizda diniy-ma’rifiy sohada amalga oshirilayotgan islohotlar, yoshlar ma’naviyatini yuksaltirish, jamiyatda tinchlik va totuvlikni mustahkamlashda diniy soha vakillarining o‘rni haqida fikr almashildi.
G‘olib ishtirokchilarga shahar hokimligining tashakkurnomalari hamda qimmatbaho sovg‘alar topshirilib, ularning kelgusidagi faoliyatlariga muvaffaqiyat tilandi.
Suhbat davomida yaqinlashib kelayotgan Mustaqillik bayramining 35 yillik tantanalari, mamlakatimizda hukm surayotgan tinchlik-osoyishtalik va xalqimiz farovonligi haqida ham so’z yuritildi. Ushbu qutlug‘ sana yurtimizning bugungi taraqqiyoti, xalqimizning bunyodkorlik salohiyati va ertangi kunga bo‘lgan ishonchining yorqin ifodasi ekani qayd etildi.
