Муфтий ҳазратлари Сирдарё туманида янгидан бунёд этилаётган марказий масжидга ташриф буюрдилар
✅ Бугун, 19 февраль куни Ўзбекистон мусулмонлари идораси раиси, муфтий Нуриддин домла ҳазратлари Сирдарё вилоятига ташрифлари чоғида Сирдарё туманидаги марказий 🕌 “Янги ҳаёт” масжидининг янги биноси қурилиш жараёнини кўздан кечирдилар.
Маълумот учун, мазкур масжид 1956 йилда кенгайтирилиб қайта тикланган. Ҳозирги масжид қурилиши жорий йилда бошланиб, 2025 йили якунланади.
Янги бино қадимий чор айвон ва чор дарвоза услубида замонавий тарзда барпо этилади. Унинг икки четида баландлиги 45 метрлик миноралар, асосий бинонинг тепа қисмида баландлиги 20 метр, диаметри 12 метрли гумбаз қурилади.
Илгари масжид сиғими мингдан ошиқ кишини ташкил қилган бўлса, энди бино 5 мингдан ортиқ намозхонни ўз ичига сиғдира олади.
🔸 Жоме масжидга ташриф тафсилотларини сайтимизда кузатиб боринг.
