Бугун, Ўзбекистон мусулмонлари идорасида 27 июнь – “Матбуот ва оммавий ахборот воситалари ходимлари куни” муносабати билан маърифий тадбир ўтказилди. Унда матбуот, телевидение, радио, интернет сайтлари ходимлари, блогерлар ҳамда Диний идоранинг ҳудудий вакиллари Матбуот хизмати ходимлари иштирок этди.
Тадбир Қуръони карим тиловати ва эзгу дуолар билан бошланди.
Йиғилган ҳамкор ОАВ ходимлари, журналистлар, интернет сайтлари муҳаррирларига Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг қутловлари етказилиб, эсдалик совғалари топширилди.
Фатво маркази уламоси Муҳаммад Айюбхон домла Ҳомидов сўз олиб, ижод аҳлини муборакбод этиб, Ҳақ таолодан барча йиғилганларга шарафли ва масъулиятли ишда муваффақиятлар, хонадонларига тинчлик-хотиржамлик, сиҳат-саломатлик ва файзу барака тилади.
Қуръони карим ва тажвидни ўргатиш бўлими мудири Шайх Алижон қори ОАВ вакилларини байрам билан қутлаб, мўмин-мусулмонлар манфаати, дин ғами ва Ватан тақдирини юрагидан ўтказиб ишлайдиган ижод аҳлининг даъваткор сўзи, ибратли фаолияти таҳсинга лойиқ эканини билдириб, муборак динимизни кенг ёйиш, диний-маърифий ишларни халқимизга тўлақонли етказишда ижод аҳлининг жуда ҳам катта ўрни борлигини алоҳида қайд этди.
Йиғилганлар эътибор ва эҳтиром учун ташаккур изҳор этдилар.
***
Bugun, O‘zbekiston musulmonlari idorasida 27 iyun – “Matbuot va ommaviy axborot vositalari xodimlari kuni” munosabati bilan ma’rifiy tadbir o‘tkazildi. Unda matbuot, televideniye, radio, internet saytlari xodimlari, blogerlar hamda Diniy idoraning hududiy vakillari Matbuot xizmati xodimlari ishtirok etdi.
Tadbir Qur’oni karim tilovati va ezgu duolar bilan boshlandi.
Yig‘ilgan hamkor OAV xodimlari, jurnalistlar, internet saytlari muharrirlariga O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining qutlovlari yetkazilib, esdalik sovg‘alari topshirildi.
Fatvo markazi ulamosi Muhammad Ayyubxon domla Homidov so‘z olib, ijod ahlini muborakbod etib, Haq taolodan barcha yig‘ilganlarga sharafli va mas’uliyatli ishda muvaffaqiyatlar, xonadonlariga tinchlik-xotirjamlik, sihat-salomatlik va fayzu baraka tiladi.
Qur’oni karim va tajvidni o‘rgatish bo‘limi mudiri Shayx Alijon qori OAV vakillarini bayram bilan qutlab, mo‘min-musulmonlar manfaati, din g‘ami va Vatan taqdirini yuragidan o‘tkazib ishlaydigan ijod ahlining da’vatkor so‘zi, ibratli faoliyati tahsinga loyiq ekanini bildirib, muborak dinimizni keng yoyish, diniy-ma’rifiy ishlarni xalqimizga to‘laqonli yetkazishda ijod ahlining juda ham katta o‘rni borligini alohida qayd etdi.
Yig‘ilganlar e’tibor va ehtirom uchun tashakkur izhor etdilar.
