Бугун, 29 июнь куни Фарғона вилояти вакиллигида тадбир ташкил этилди. Унда фахрий устозлар билан бир қаторда вилоятимизда фаолият олиб бораётган ёш имом-хатиб ва имом-ноиблари дастурхон атрофида жам бўлдилар.
Қуръон тиловат қилиниб, дин хизматида ўтган устозлар ҳаққига дуо қилинди.
Тадбирда Ўзбекистон мусулмонлари идораси раиси, муфтий шайх Нуриддин Холиқназар ҳазратларининг Диний идора тизимида меҳнат қилаётган ёшларга мурожаатномаси ўқиб эшиттирилди.
Вилоят бош имом-хатиби Убайдуллоҳ домла Абдуллаев мурожаатномада келтирилган панду насиҳат ва тавсиялар соҳа ходимларининг барчалари, айниқса, дин хизматида бўлиб турган ёш имомлар учун дастурил амалга айланиши лозимлигини таъкидлади. Шунингдек, тадбирда сўз устозлар фаолиятларидаги тажриба ва малакалар билан ўртоқлашиб, бугунги кунда ёшларга берилаётган имкониятдан унумли фойдаланиш зарурлигини қайд этдилар.
Тадбир якунида ёшларга муваффақият тилаб, эсдалик совғалари топширилди.
* * *
Bugun, 29 iyun kuni Farg‘ona viloyati vakilligida tadbir tashkil etildi. Unda faxriy ustozlar bilan bir qatorda viloyatimizda faoliyat olib borayotgan yosh imom-xatib va imom-noiblari dasturxon atrofida jam bo‘ldilar.
Qur’on tilovat qilinib, din xizmatida o‘tgan ustozlar haqqiga duo qilindi.
Tadbirda O‘zbekiston musulmonlari idorasi raisi, muftiy shayx Nuriddin Xoliqnazar hazratlarining Diniy idora tizimida mehnat qilayotgan yoshlarga murojaatnomasi o‘qib eshittirildi.
Viloyat bosh imom-xatibi Ubaydulloh domla Abdullayev murojaatnomada keltirilgan pandu nasihat va tavsiyalar soha xodimlarining barchalari, ayniqsa, din xizmatida bo‘lib turgan yosh imomlar uchun dasturil amalga aylanishi zarurligini ta’kidladi. Shuningdek, tadbirda so‘z ustozlar faoliyatlaridagi tajriba va malakalar bilan o‘rtoqlashib, bugungi kunda yoshlarga berilayotgan imkoniyatdan unumli foydalanish zarurligini qayd etdilar.
Tadbir yakunida yoshlarga muvaffaqiyat tilab, esdalik sovg‘alari topshirildi.
