Ўзбекистон мусулмонлари идораси Фарғона вилояти вакиллиги «27 июнь – Матбуот ва оммавий ахборот воситалари ходимлари куни» муносабати билан касбига садоқат ила хизмат олиб бораётган оммавий ахборот воситаси ходимларини самимий қутлайди.
Дарҳақиқат, бугунги кунда халқимиз илм-маърифатини юксалтириш, уларга тезкор ва холисликка асосланган аниқ ва тўғри хабарларни етказишда оммавий ахборот воситалари, хусусан, журналистларнинг ўрни катта. Бинобарин, диний-маърифий соҳада олиб борилаётган ислоҳотлар ва ўзгаришларни ёритиш, ахборот маконида одамларни яхшиликка, эзгулик ҳамда бунёдкорликка тарғиб этувчи, айниқса, ёшларни ватанга муҳаббат, дин ва миллат қайғусида камол топишида медиа соҳаси вакилларининг хизмати таҳсинга лойиқдир.
Фурсатдан фойдаланиб, ана шундай эзгулик йўлида фидокорона хизмат олиб бораётган барча ходимларни муборакбод этамиз. Ватан тараққиёти, халқ фаровонлиги ҳамда дин ривожи йўлида олиб бораётган ижодингизга муваффақият тилаймиз. Бу улкан йўлда Аллоҳ сизларга куч-қувват ато этсин!
Убайдуллоҳ Абдуллаев,
Фарғона вилояти бош имом-хатиби
***
O‘zbekiston musulmonlari idorasi Farg‘ona viloyati vakilligi «27 iyun – Matbuot va ommaviy axborot vositalari xodimlari kuni» munosabati bilan kasbiga sadoqat ila xizmat olib borayotgan ommaviy axborot vositasi xodimlarini samimiy qutlaydi.
Darhaqiqat, bugungi kunda xalqimiz ilm-ma’rifatini yuksaltirish, ularga tezkor va xolislikka asoslangan aniq va to‘g‘ri xabarlarni yetkazishda ommaviy axborot vositalari, xususan, jurnalistlarning o‘rni katta. Binobarin, diniy-ma’rifiy sohada olib borilayotgan islohotlar va o‘zgarishlarni yoritish, axborot makonida odamlarni yaxshilikka, ezgulik hamda bunyodkorlikka targ‘ib etuvchi, ayniqsa, yoshlarni vatanga muhabbat, din va millat qayg‘usida kamol topishida media sohasi vakillarining xizmati tahsinga loyiqdir.
Fursatdan foydalanib, ana shunday ezgulik yo‘lida fidokorona xizmat olib borayotgan barcha xodimlarni muborakbod etamiz. Vatan taraqqiyoti, xalq farovonligi hamda din rivoji yo‘lida olib borayotgan ijodingizga muvaffaqiyat tilaymiz. Bu ulkan yo‘lda Alloh sizlarga kuch-quvvat ato etsin!
Ubaydulloh Abdullayev,
Farg‘ona viloyati bosh imom-xatibi
