Марғилон шаҳридаги имом-хатиблар иштирокида навбатдаги маънавият машғулоти бўлиб ўтди. Унда ҳафта давомида амалга оширилган ишлар таҳлил қилиниб, фаолият самарадорлиги юзасидан фикр алмашилди.
Тадбир доирасида Ўзбекистон Республикаси Президенти Администрацияси ҳузуридаги Наркотикларни назорат қилиш миллий маркази директори ўринбосари Ш.Қаюмов иштирокида «Гиёҳвандлик – аср вабоси» мавзуида давра суҳбати ташкил этилди. Унда гиёҳвандликнинг инсон саломатлиги, оила ва жамиятга етказадиган жиддий зарарлари, шунингдек, унинг ижтимоий оқибатлари хусусида атрофлича маълумот берилди.
Шунингдек, Ўзбекистон Республикаси Президентининг 2024 йил 6 майдаги PF-73-сонли Фармони – “Гиёҳвандлик воситалари ва психотроп моддаларнинг ноқонуний айланмасига чек қўйиш орқали аҳоли саломатлиги ва мамлакат генофондига салбий таъсирни бартараф этиш бўйича стратегик чора-тадбирлар тўғрисида”ги муҳим ҳужжатнинг мазмун-моҳияти иштирокчиларга кенг тушунтирилди.
Ушбу мавзу юзасидан имом-хатиблар аҳоли билан олиб бориладиган тарғибот ва мулоқотларда диний таълимотлар асосида тушунтиришлар бериш, ёшлар онгини ушбу иллатдан асраш, огоҳликни ошириш юзасидан фикр алмашилди.
***
Marg‘ilon shahridagi imom-xatiblar ishtirokida navbatdagi ma’naviyat mashg‘uloti bo‘lib o‘tdi. Unda hafta davomida amalga oshirilgan ishlar tahlil qilinib, faoliyat samaradorligi yuzasidan fikr almashildi.
Tadbir doirasida O‘zbekiston Respublikasi Prezidenti Administratsiyasi huzuridagi Narkotiklarni nazorat qilish milliy markazi direktori o‘rinbosari Sh.Qayumov ishtirokida «Giyohvandlik – asr vabosi» mavzuida davra suhbati tashkil etildi. Unda giyohvandlikning inson salomatligi, oila va jamiyatga yetkazadigan jiddiy zararlari, shuningdek, uning ijtimoiy oqibatlari xususida atroflicha ma’lumot berildi.
Shuningdek, O‘zbekiston Respublikasi Prezidentining 2024 yil 6 maydagi PF-73-sonli Farmoni – “Giyohvandlik vositalari va psixotrop moddalarning noqonuniy aylanmasiga chek qo‘yish orqali aholi salomatligi va mamlakat genofondiga salbiy ta’sirni bartaraf etish bo‘yicha strategik chora-tadbirlar to‘g‘risida”gi muhim hujjatning mazmun-mohiyati ishtirokchilarga keng tushuntirildi.
Ushbu mavzu yuzasidan imom-xatiblar aholi bilan olib boriladigan targ‘ibot va muloqotlarda diniy ta’limotlar asosida tushuntirishlar berish, yoshlar ongini ushbu illatdan asrash, ogohlikni oshirish yuzasidan fikr almashildi.
