Шу йил, 31 май куни Ислом ҳамкорлик ташкилоти бош котиби Ҳусайн Иброҳим Тоҳа мамлакатимизга сафари давомида Тошкентнинг диққатга сазовор жойларидан бири бўлган «Ҳазрати Имом» мажмуасига ташриф буюрди.
Мартабали меҳмонни Ўзбекистон мусулмонлари идораси раиси ўринбосари Зайниддин домла Эшонқулов қарши олиб, юртимизда диний-маърифий соҳада амалга оширилаётган ислоҳотлар, Ўзбекистон мусулмонлари идораси фаолияти ҳамда мажмуа ҳақида маълумот берди.
Иброҳим Тоҳа жаноблари ташриф давомида мазкур мажмуага кирувчи муборак қадамжолар билан яқиндан танишди. Хусусан, Қуръони каримнинг “Мўйи Муборак” мадрасасида сақланаётган энг қадимий нусхаси – Ҳазрати Усмон Мусҳафини зиёрат қилди.
Ташриф сўнгида мартабали меҳмон самимий меҳмондўстлик учун миннатдорлик билдирди.
***
Shu yil, 31 may kuni Islom hamkorlik tashkiloti bosh kotibi Husayn Ibrohim Toha mamlakatimizga safari davomida Toshkentning diqqatga sazovor joylaridan biri bo‘lgan «Hazrati Imom» majmuasiga tashrif buyurdi.
Martabali mehmonni O‘zbekiston musulmonlari idorasi raisi o‘rinbosari Zayniddin domla Eshonqulov qarshi olib, yurtimizda diniy-ma’rifiy sohada amalga oshirilayotgan islohotlar, O‘zbekiston musulmonlari idorasi faoliyati hamda majmua haqida ma’lumot berdi.
Ibrohim Toha janoblari tashrif davomida mazkur majmuaga kiruvchi muborak qadamjolar bilan yaqindan tanishdi. Xususan, Qur’oni karimning “Mo‘yi Muborak” madrasasida saqlanayotgan eng qadimiy nusxasi – Hazrati Usmon Mus’hafini ziyorat qildi.
Tashrif so‘ngida martabali mehmon samimiy mehmondo‘stlik uchun minnatdorlik bildirdi.
