Саудия Арабистонидаги бир қатор ҳаж ишларига тегишли ташкилотлар томонидан 2017 йилги ҳаж мавсумида Ўзбекистон ишчи гуруҳи намунали хизмат кўрсатгани юқори баҳоланди. Ўзбекистонлик зиёратчиларнинг ҳаж маносикларини намунали бажариши, Мино, Арафот ва Муздалифа водийларидаги ташкилий ишлари учун мутасадди муассасалар томонидан ташаккурномалар тақдим этилди. Жумладан, ҳожиларга хизмат кўрсатувчи Саудия Арабистонидаги миллий муассаса раҳбари Бандар ибн Носир Синдий, ҳаж мавсумида Ўзбекистон ишчи гуруҳининг ҳаж тадбирлари тартибли ва намунали тарзда ташкил этганини алоҳида таъкидлади. Шунингдек, у ташаккурномада қуйидаги илиқ сўзларни баён этди.
Таржимаси
ҲОЖИЛАРГА ХИЗМАТ КЎРСАТИШ МИЛЛИЙ МУАССАСАСИ
“Ҳожиларга хизмат кўрсатиш шараф, омонат ва масъулиятдир!”
ТАШАККУРНОМА
Афғонистон ва Марказий Осиё давлатлари ҳожиларига хизмат кўрсатиш бошқармаси ҳижрий 1438, милодий 2017 йилдаги Ҳаж мавсумида Мадинаи Мунавварада Ўзбекистон Республикаси ҳожилари хизматидаги юксак фаолияти учун “Ҳаж – 2017” ишчи гуруҳи аъзоларига самимий ташаккурини изҳор этади.
Аллоҳ таолодан келгуси ишларида улкан муваффақиятлар тилаб қоламиз.
Камоли эҳтиром ила,
Афғонистон ва Марказий Осиё давлатлари ҳожиларига хизмат кўрсатиш бошқармаси раиси
Бандар ибн Носир Синдий
Манба: muslim.uz
