Бугун, 16 июль куни Имом Бухорий номидаги Тошкент ислом институтида Ўзбекистон мусулмонлари идораси тасарруфидаги Ҳадис илми мактабига ҳужжат топширган абитуриентлар учун кириш имтиҳонлар бошланди.
Ҳадис илми мактабига ҳужжатларни қабул қилиш жараёни шу йилнинг 20 июнидан бошланган бўлиб, 10 июлга қадар ўрта махсус диний таълим муассасаларини тамомлаган 92 нафар абитуриент ҳужжат топширди.
Бугун эса мазкур абитуриентлар Имом Бухорий номидаги Тошкент ислом институтида суҳбат асосида илк ижодий имтиҳондан ўтадилар. Улар 17 июль куни иккинчи босқичда “Ўзбекистон тарихи” фанидан тест топширадилар.
Умумий имтиҳон натижалари 18 июль куни эълон қилинади.
Абитуриентларнинг билимларини Дин ишлари бўйича қўмита ва Ўзбекистон мусулмонлари идорасининг қабул ҳайъати аъзолари, Ўзбекистон халқаро ислом академияси, Тошкент ислом институти ва Мир Араб олий мадрасасининг малакали педагог-ўқитувчилари баҳолаб боради.
***
Bugun, 16 iyul kuni Imom Buxoriy nomidagi Toshkent islom institutida O‘zbekiston musulmonlari idorasi tasarrufidagi Hadis ilmi maktabiga hujjat topshirgan abituriyentlar uchun kirish imtihonlar boshlandi.
Hadis ilmi maktabiga hujjatlarni qabul qilish jarayoni shu yilning 20 iyunidan boshlangan bo‘lib, 10 iyulga qadar o‘rta maxsus diniy ta’lim muassasalarini tamomlagan 92 nafar abituriyent hujjat topshirdi.
Bugun esa mazkur abituriyentlar Imom Buxoriy nomidagi Toshkent islom institutida suhbat asosida ilk ijodiy imtihondan o‘tadilar. Ular 17 iyul kuni ikkinchi bosqichda “O‘zbekiston tarixi” fanidan test topshiradilar.
Umumiy imtihon natijalari 18 iyul kuni e’lon qilinadi.
Abituriyentlarning bilimlarini Din ishlari bo‘yicha qo‘mita va O‘zbekiston musulmonlari idorasining qabul hay’ati a’zolari, O‘zbekiston xalqaro islom akademiyasi, Toshkent islom instituti va Mir Arab oliy madrasasining malakali pedagog-o‘qituvchilari baholab boradi.
