Бугун, зулҳижжа ойининг тўққизинчиси — Арафа куни. Эртага эса Қурбон ҳайити байрами. Байрам куни эса Ийд намозини адо этиш билан бошланади.
Мўмин-мусулмонлар эрта тонгдан Аллоҳнинг байти — масжид сари отланадилар. Бунинг учун эса масжидларда қизғин тайёргарлик кўрилмоқда. Ободончилик ишлари олиб борилиб, ёнғин ва техника хавфсизлиги чоралари кўздан кечирилмоқда.
Жамоатнинг кўп бўлишини ҳисобга олган ҳолда қўшимча жой заҳиралари тайёрланиб, овоз кучайтиргичлар қайтадан созланмоқда.
Қурбон ҳайити намози вилоятимиздаги 195 та масжидда адо этилади. Аввал эълон қилинганидек, ҳайит намози 05:10 да ўқилади.
Аллоҳ таоло Қурбон ҳайити байрамини кўтаринки руҳда, хурсандчилик ила ўтказмоқликни насиб этсин!
