Фарғона вилояти вакиллигида «Исломда аёлларнинг ўрни» мавзусида тадбир ташкил этилди. Мазкур тадбирда Дин ишлари бўйича қўмита мутахассислари, вилоят бош отинойиси, тарғибот гуруҳи аъзолари ҳамда бир гуруҳ отинойилар иштирок этди.
Тадбир давомида ислом таълимоти ва маърифатини тарғиб этишда аёлларнинг ўрни ва аҳамияти, ислом тарихида ўз илми, фазилати билан намуна бўлган аёллар ҳақида сўз юритилди. Шунингдек, юртимизда хотин-қизларга яратилаётган кенг имкониятлар, уларнинг жамиятдаги фаоллигини ошириш, диний-маърифий соҳада тутган ўрни ва уларга кўрсатилаётган ғамхўрлик ҳақида алоҳида таъкидланди.
Тадбир иштирокчилари ислом таълимотида аёлларга нисбатан кўрсатилган эътибор ва уларнинг жамиятдаги мақоми ҳақида фикр алмашиб, юртимизда аёллар учун яратилаётган шароитларнинг аҳамиятини таъкидладилар. Хусусан, отинойилар томонидан хотин-қизлар ўртасида маърифий тарғибот ишларини янада фаоллаштириш, ёш авлодни комил инсон қилиб тарбиялаш, оилаларда маънавий муҳитни мустаҳкамлаш борасида олиб борилаётган ишлар муҳокама қилинди.
Тадбир ниҳоясида фаол отинойиларнинг жамият равнақи ва маънавий тарбияга қўшаётган ҳиссаси эътироф этилиб, уларга ташаккурнома ва эсдалик совғалар топширилди.
Фарғона вилояти вакиллиги Матбуот хизмати
***
Farg‘ona viloyati vakilligida «Islomda ayollarning o‘rni» mavzusida tadbir tashkil etildi. Mazkur tadbirda Din ishlari bo‘yicha qo‘mita mutaxassislari, viloyat bosh otinoyisi, targ‘ibot guruhi a’zolari hamda bir guruh otinoyilar ishtirok etdi.
Tadbir davomida islom ta’limoti va ma’rifatini targ‘ib etishda ayollarning o‘rni va ahamiyati, islom tarixida o‘z ilmi, fazilati bilan namuna bo‘lgan ayollar haqida so‘z yuritildi. Shuningdek, yurtimizda xotin-qizlarga yaratilayotgan keng imkoniyatlar, ularning jamiyatdagi faolligini oshirish, diniy-ma’rifiy sohada tutgan o‘rni va ularga ko‘rsatilayotgan g‘amxo‘rlik haqida alohida ta’kidlandi.
Tadbir ishtirokchilari islom ta’limotida ayollarga nisbatan ko‘rsatilgan e’tibor va ularning jamiyatdagi maqomi haqida fikr almashib, yurtimizda ayollar uchun yaratilayotgan sharoitlarning ahamiyatini ta’kidladilar. Xususan, otinoyilar tomonidan xotin-qizlar o‘rtasida ma’rifiy targ‘ibot ishlarini yanada faollashtirish, yosh avlodni komil inson qilib tarbiyalash, oilalarda ma’naviy muhitni mustahkamlash borasida olib borilayotgan ishlar muhokama qilindi.
Tadbir nihoyasida faol otinoyilarning jamiyat ravnaqi va ma’naviy tarbiyaga qo‘shayotgan hissasi e’tirof etilib, ularga tashakkurnoma va esdalik sovg‘alar topshirildi.
Farg‘ona viloyati vakilligi Matbuot xizmati
