Мусо (а.с.) Миср қироли Фиръавнга:
– Менга имон келтир, Аллоҳга қул бўлишни қабул қил. Мулк ва салтанатинг ҳам ўзинг билан қолсин, – деб таклиф қилди.
Фиръавн ҳам:
– Вазирим Ҳомон билан гаплашиб, кейин сенга жавобини айтаман, – деди.
Бош маслаҳатчиси Ҳомон Фиръавнга шундай маслаҳат берди:
– Буни қандай ҳаёлингга келтирдинг? Ахир бир томонда илоҳлик, бир томонда қуллик турибди-ку. Ё ҳамма сенга сиғинади ёки сен кимгадир сиғинасан.
Ҳомон шундай қилиб Фиръавнни Аллоҳга қул, Мусо (а.с.)га уммат бўлишдан қайтарди.
***
Инсонни тўғри йўлни топишидан баъзан маслаҳатчи дўстлари ёки энг яқин қариндошлари қайтаришади. Шу сабабли ҳам инсон маслаҳатчини тўғри танлаши лозим.
«Оила тақвими»дан
