Мурувват, аҳиллик ва ҳамжиҳатликни улуғловчи ушбу фазилатли ойда кам таъминланган, ижтимоий ҳимояга муҳтож кишиларни ҳар томонлама қўллаб-қувватлаш, оила ва маҳаллаларда меҳр-оқибат ва ўзаро ҳурмат муҳитини мустаҳкамлаш борасида изчил ишлар амалга оширилмоқда. Бу анъана бугун умуммиллий ҳаракатга айланди.
Бугун Қўштепа туманидаги Дўстлик маҳалла фуқаролар йиғинида 150 нафар кам таъминланган, ижтимоий ҳимояга мухтож, ногиронлиги бўлган шахслар ҳамда нуронийлар учун туман ҳокимининг ташаббуси билан ифторлик дастурхони ёзилди.
Иштирокчилар томонидан Давлатимиз раҳбари ташаббуси билан амалга оширилган эзгу ишлар, юртимизда муқаддас динимиз софлигини сақлаш борасида олиб борилаётган амаллар ҳақида фикр юритилди.
Ушбу тадбирда «Дўрмон» масжиди имом-хатиби М.Олтмишев қатнашди. Қуръон тиловат қилиниб, турмушимиз фаровон, юртимиз тинч, осмонимиз мусаффо бўлишини, хонадонларимизда ҳамиша тинчлик ҳукм суришини тилаб дуолар қилинди.
Тадбирда иштирок этган фуқаролар юртимизда инсон қадрини улуғлаш ҳамда ижтимоий ҳимояга муҳтож хонадон вакилларига кўрсатилаётган эътибор ва ғамхўрликдан беҳад хурсанд бўлишди.
***
Muruvvat, ahillik va hamjihatlikni ulug‘lovchi ushbu fazilatli oyda kam ta’minlangan, ijtimoiy himoyaga muhtoj kishilarni har tomonlama qo‘llab-quvvatlash, oila va mahallalarda mehr-oqibat va o‘zaro hurmat muhitini mustahkamlash borasida izchil ishlar amalga oshirilmoqda. Bu an’ana bugun umummilliy harakatga aylandi.
Bugun Qo‘shtepa tumanidagi Do‘stlik mahalla fuqarolar yig‘inida 150 nafar kam ta’minlangan, ijtimoiy himoyaga muxtoj, nogironligi bo‘lgan shaxslar hamda nuroniylar uchun tuman hokimining tashabbusi bilan iftorlik dasturxoni yozildi.
Ishtirokchilar tomonidan Davlatimiz rahbari tashabbusi bilan amalga oshirilgan ezgu ishlar, yurtimizda muqaddas dinimiz sofligini saqlash borasida olib borilayotgan amallar haqida fikr yuritildi.
Ushbu tadbirda «Do‘rmon» masjidi imom-xatibi M.Oltmishev qatnashdi. Qur’on tilovat qilinib, turmushimiz farovon, yurtimiz tinch, osmonimiz musaffo bo‘lishini, xonadonlarimizda hamisha tinchlik hukm surishini tilab duolar qilindi.
Tadbirda ishtirok etgan fuqarolar yurtimizda inson qadrini ulug‘lash hamda ijtimoiy himoyaga muhtoj xonadon vakillariga ko‘rsatilayotgan e’tibor va g‘amxo‘rlikdan behad xursand bo‘lishdi.
