Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг ташаббуси билан азон ва иқома бўйича ижоза бериш анъанаси йўлга қўйилди. Ушбу хайрли ташаббус доирасида 2026 йил 21 январдан бошлаб “Қуръони карим ва тажвид” ўқув курслари ўқитувчилари ҳамда олий ва ўрта ислом таълим муассасалари устозлари учун “Азон дарслари” ташкил этилди.
Жорий йил, 27 январь куни “Қуръон ва тажвидни ўргатиш” бўлимида навбатдаги амалий машғулот бўлиб ўтди. Машғулотни бўлим бошлиғи Шайх Алижон қори Файзуллоҳ Махдум олиб борди.
Дарсларда Тошкент Ислом институти ва “Кўкалдош” ЎМИТМ қошидаги “Қуръони карим ва тажвид” ўқув курслари филиаллари ўқитувчилари ҳамда мазкур таълим даргоҳларининг устозлари иштирок этди.
Машғулот давомида ҳар бир тингловчининг азон ва иқома бўйича маҳорати якка тартибда тингланиб, зарур тавсиялар берилди. Якунлангач, иштирокчиларга азон ва иқома бўйича ижоза гувоҳномаларини топшириш режалаштирилган.
***
O’zbekiston musulmonlari idorasi raisi, muftiy Shayx Nuriddin Xoliqnazar hazratlarining tashabbusi bilan azon va iqoma bo’yicha ijoza berish an’anasi yo’lga qo’yildi. Ushbu xayrli ishning davomi sifatida 2026-yil 21-yanvardan boshlab “Qur’oni karim va tajvid” o’quv kurslarining o’qituvchilari hamda oliy va o’rta islom ta’lim muassasalari ustozlari uchun “Azon darslari” tashkil qilingan edi.
Joriy yil, 27-yanvar sanasida “Qur’on va tajvidni o’rgatish” bo’limida mazkur mutaxassislar uchun azon va iqoma bo’yicha navbatdagi amaliy mashg’ulot bo’lib o’tdi.
Mash’gulotlar bo’lim boshlig’i Shayx Alijon qori Fayzulloh Maxdum tomonidan olib borilmoqda.
Bugungi mashg’ulotlarda Toshkent Islom instituti va “Ko’kaldosh” O’MITM qoshidagi “Qur’oni karim va tajvid” o’quv kurslari filiallari o’qituvchilari hamda mazkur ta’lim dargohlarining ustozlari ishtirok etdilar.
Dars davomida har bir tinglovchining azon va iqoma borasidagi mahoratlari yakka tartibda tinglanib, kerakli tavsiyalar berildi. Mashg’ulotlar yakunida tinglovchilarga azon va iqoma bo’yicha ijoza guvohnomasi topshirilishi rejalashtirilgan.
