Тинчлик қарор топган юртда хотиржамлик ҳукм суради, оқибатда, мусулмонларнинг Аллоҳ таоло буюрган ишларни мукаммал ва хотиржам адо этишлари учун, халқ бемалол ўзи севган касб билан машғул бўлиб, оиласи, рўзғорини тебратиш учун, қолаверса, давлатнинг ривожланиши ва фарзандларнинг ўқимишли, зиёли бўлишилари учун тинчлик осойишталик лозим. Шунинг учун Расулуллоҳ соллаллоҳу алайҳи васаллам дедилар:
قَالَ رَسُولُ اللَّهِ صلى الله عليه وسلم لِرَجُلٍ وَهُوَ يَعِظُهُ : اغْتَنِمْ خَمْسًا قَبْلَ خَمْسٍ : شَبَابَكَ قَبْلَ هَرَمِكَ ، وَصِحَّتَكَ قَبْلَ سَقَمِكَ ، وَغِنَاكَ قَبْلَ فَقْرِكَ ، وَفَرَاغَكَ قَبْلَ شُغْلِكَ ، وَحَيَاتَكَ قَبْلَ مَوْتِكَ
“Беш нарсани беш нарсадан аввал ғанимат билинг: “Кексаликдан аввал ёшликни, бетобликдан аввал саломатликни, фақирликдан аввал бойликни, бир ишга машғул бўлиб қолишдан аввал бўш вақтни ва ўлим келмасдан аввал ҳаётни”.
“Аллоҳ таолонинг неъматларидан икки неъмати борки, кўпчилик одамлар унинг қадрига етмайдилар. У сиҳат-саломатлик ва хотиржамликдир”.
Дарҳақиқат, дунёдаги мана шу икки неъматга етадигани йўқ. Чунки анвор-анвор егуликларни олиб келинг, аммо тишингиз қаттиқ оғраётган бўлса, шу пайтда бошқа неъматлар кўзингизга кўринадими? Ёки қўлингиз синиб турган пайтда, ёки қон босимингиз ошиб ётиб қолган пайтингизда, биров келиб юз миллион сўмлик бир иш келинг қилайлик деса, ўша пайтга ўзингиз билан ўзингиз овора бўлиб қоласиз.
Азаматжон ЭРМАТОВ,
Учкўприк тумани “Асқар Маҳмуд пирим” масжиди имом-хатиби
