Болаларга меҳр бериш, уларни қувонтириш, имкони борича хурсанд қилиш энг савобли амаллар сирасига киради. Расулуллоҳ соллаллоҳу алайҳи васаллам ўз ҳаётлари давомида болаларга нисбатан меҳрибон, сабрли ва ҳалим зот бўлганлар. Зеро, Расулуллоҳ соллаллоҳу алайҳи васаллам: “Кичикларга раҳм қилмаган ва катталарнинг ҳурматини билмаган биздан эмас”, деб марҳамат қилганлар.
Шу жиҳатдан қаралганда, болалар учун хайрли тадбирлар уюштириш, уларнинг қувончини таъминлаш ҳам савобли иш саналади.
1 июнь – Халқаро болаларни ҳимоя қилиш куни муносабати билан юртимизда болалар учун байрамона муҳит яратилиб, уларга муносиб эътибор ва ғамхўрлик кўрсатилади. Ушбу сана муносабати билан вилоятимизда кўплаб хайрли тадбирлар ташкил этилди.
Жумладан, мактабгача таълим муассасасида ташкил этилган тадбирда Бувайда туманидаги “Ҳусан қори” масжиди имом-хатиби Раҳматилло Ғойибназаров иштирок этган бўлса, Фурқат туманида ўтказилган тадбирда туман бош имом-хатиби Рашиджон Нуралиев қатнашди.
Болажонлар қалби қувончга тўлган тадбирда байрам совғалари тарқатилиб, уларга меҳр ва эътибор кўрсатилди.
***
Bolalarga mehr berish, ularni quvontirish, imkoni boricha xursand qilish eng savobli amallar sirasiga kiradi. Rasululloh sollallohu alayhi vasallam o‘z hayotlari davomida bolalarga nisbatan mehribon, sabrli va halim zot bo‘lganlar. Zero, Rasululloh sollallohu alayhi vasallam: “Kichiklarga rahm qilmagan va kattalarning hurmatini bilmagan bizdan emas”, deb marhamat qilganlar.
Shu jihatdan qaralganda, bolalar uchun xayrli tadbirlar uyushtirish, ularning quvonchini ta’minlash ham savobli ish sanaladi.
1 iyun – Xalqaro bolalarni himoya qilish kuni munosabati bilan yurtimizda bolalar uchun bayramona muhit yaratilib, ularga munosib e’tibor va g‘amxo‘rlik ko‘rsatiladi. Ushbu sana munosabati bilan viloyatimizda ko‘plab xayrli tadbirlar tashkil etildi.
Jumladan, maktabgacha ta’lim muassasasida tashkil etilgan tadbirda Buvayda tumanidagi “Husan qori” masjidi imom-xatibi Rahmatillo G‘oyibnazarov ishtirok etgan bo‘lsa, Furqat tumanida o‘tkazilgan tadbirda tuman bosh imom-xatibi Rashidjon Nuraliyev qatnashdi.
Bolajonlar qalbi quvonchga to‘lgan tadbirda bayram sovg‘alari tarqatilib, ularga mehr va e’tibor ko‘rsatildi.
