Ҳар бир давлатнинг шаклланиши конститутцияни ўрни алоҳида аҳамиятга эга. Мамлакатимизда яшаётган турли дин вакилларини тинч ва тотув яшашига кафолат бўлганлиги албатта ҳамма учун фойдали чунки миллатидан,динидан қатъий назар бирдек яшаб келаётгани таҳсинга лойиқ. Бунинг учун Қомусимизни алоҳида ўрни бор. Ислом таълимотига кўра дин инсонни ўз хоҳиши билан эътиқод қиладиган илоҳий кўрсатмадир. Ислом эса ҳеч кимни зўрлаб динга киритишга ўз ҳоҳишига қарши боришга йўл қўймайди. Аллоҳ жалла ва аъло Қуръони каримни Наҳл сурасида шундай марҳамат қилади: “Албатта Аллоҳ адолат, яхши ишларда ва қариндошга яхшилик қилишга буюради ҳамда бузуқлик, ёвуз ишлар ва зулмдан қайтаради. Эслатма олурсиз, деб (У) сизларга (доимо) насиҳат қилур”.
Демак, Ислом динида жамиятдаги ҳар бир кишининг ҳақларини ва мажбуриятлари унинг миллати ва эътиқодидан қатъий назар аниқ ва равшан белгилаб берилган. Юртимизда 16 та диний конфессия расмий рўйхатдан ўтиб, фаолият олиб бораётганлиги 130 дан зиёд миллат ва элат вакиллари ўртасида ҳамкорлик ва дўстона муносабатларни таъминлаши шу қонунга боғлиқ. Буни кўра олмаётган фитначи кимсалар эса уни бузушга уринмоқда, лекин Аллоҳ уларни макрларини йўққа чиқариб, уларни шарманда қилмоқда. Бизнинг юртимизни доимо тинч ва осойишта қилиш учун ҳар биримиз астойдил ҳаракат қилиб дуода бўлишимиз керак. Чунки тинчлик хотиржамлик улуғ неъмат эканлигини эсдан чиқармаслик керак.
Ҳ.Эсоналиев,
Фарғона тумани “Тўрахон ҳожи” масжиди имом-ноиби
