Фарзанд улуғ неъмат. Лекин шу неъматни бефарзанд олдида гапирмагинки, ҳижолатга қўймагин, дейдилар. Аллоҳ бойлик билан сийлаган киши камбағаллар олдида дунёсини мақтамасин.
Ўтмишда бир улуғ зот бўлганлар. Исмлари Абдураҳмон Ҳотам ибн Улвон. У кишидан масала сўраш ниятида бир аёл ҳузурларига келган. Беихтиёр аёлда “овоз” чиқиб кетади. Аёл жуда ҳижолат бўлади. Шунда ул зот аёлга қараб “овозингизни кўтаринг, қулоқларим яхши эшитмайди. Озгина баландроқ гапиринг” деганлар. Аёл қувониб кетади. Аслида ул зот кар бўлмаганлар. Ўзларини шу ҳолатга – карликка солдилар. Ҳатто бу карлик бутун умр давом этди.
Ҳа, азизлар! Бир инсонни ҳижолат қилмаслик учун улуғларимиз бутун умрларини берганлар! Бул зот Хотамул Асом номи билан машҳур бўлган зот эдилар!
Давронбек Норматов,
Ўзбекистон тумани “Абу Мусо Ашъарий” масжиди имом-хатиби
