Ўшанда Рамазон ойи эди. Кичик қизим Баннон эшик олдида пойлоқчилик қилиб турадиган қоровулга бериш учун икки товоқ таом кўтариб турганиганига кўзим тушиб қолди. Унга:
– “Ҳой қизим! Иккала товоқни патнисга қўйиб, унга қўшимча битта қошиқ, битта санчқи, бир стакан сув олиб келгин ва мана шундай ҳолда уни қоровул олдига олиб чиқ. Сен бундан бирон нарса йўқотмайсан. Таом ўша таом-у, лекин агар сен унинг олдига товоқни ва қуруқ нонни олиб чиқсанг, бу ҳолда у ўзини тиланчи (гадо)дек ҳис қилади. Аммо унга бир стакан сув, қошиқ, санчқи ва туздон билан бирга қўшиб, уларни патнисда олиб чиқиб берсанг, бу яхшилик унинг хотирасида бир умр муҳрланиб қолади-да, у ўзини азиз меҳмондек ҳис қилади”, – дедим.
Бу ерда икки жиҳатга эътибор қаратиш лозим. Биринчи жиҳат, одамларга мурувватли бўлиш, уларга ҳурмат эътибор кўрсатишнинг нақадар аҳамиятли экани бўлса, иккинчи жиҳат эса, ана шундай меҳр-оқибат, яхшиликка ошиқиш ҳамда гўзал хулққа эришини фарзандларга ёшликдан таълимини бериб бориш зарурлигини кўрсатади. Зеро, Пайғамбаримиз алайҳиссалом: “Ҳеч бир ота-она фарзандига чиройли одобдан кўра яхшироқ нарса бера олмайди”, дея марҳамат қилганлар. Шундай экан, фарзандларимизга ёшликлариданоқ таълим-тарбиясига эътиборли бўлайлик!
Давронбек УСМОНОВ,
Фарғона тумани “Ҳувайдо” масжиди имом-хатиби
