Муқаддас ислом дини инсонларни доимо тинчликка, ўзаро меҳр-муҳаббатли бўлишга чорлайди. Ҳеч бир дин ислом динидек раҳмдил, покиза эмас. Ислом динининг асл моҳияти ҳам тинчликдир. Лекин ислом динининг илк даврида ва ҳозирги кунда турли оқимлар пайдо бўлиши инсоният учун дахшатли хатар бўлди. Ҳозирда жуда кўплаб адашган оқимлар мавжуд бўлиб, уларнинг омлари ҳам турлича. Муқсадлари эса ислом динини ёмон кўрсатиб, ҳокимятни эгаллаб, инсонлар қонини тўкмоқда. Ислом динида харом саналган жуда кўплаб ишларни ўзларига ҳалол санамоқда. Айниқса, исломдаги энг оғир гуноҳлардан саналган бегуноҳ инсонларнинг қонини тўкиш, ўзгалар молини ботил йўллар билан ейиш, аёлларни хўрлаш каби ишларни ўзлари учун тўғри деб билмоқда.илмсиз ғўр ёшларни эса ўз томонига оғдириб олиб, ғаразли мақсадлари йўлида қурбон қилмоқда. Бундай нотўғри оқим аъзолари на Қуръон оятларини ва на Ҳадисларда келган хужатларни ҳам тан олишмаяпти.
Яратганга шукур қиламизки юртимиз тинч-осуда. Бу тинчликни қадрига етишлик эса ҳар бир фуқаронинг муқаддас бурчидир. Бузғунчи, хоин кимсалар эса доимо юртимиз тинчлигига раҳна солишга, вайронагарчилик қилишга харакат қилмоқда. Ҳозирда бундай разил ҳаракатларини чет эллардан туриб турли интернет воситалари орқали амалга оширмоқда. Қандай йўл билан бўлсада, ёшларни ўз томонларига тортишга уринмоқда. Ҳар бир оқил инсон бундай фитна-фасодлардан огоҳ бўлиб, фарзандларимизга тўғри тарбия бера олсак, кўнгилсиз ҳодисаларни олдини олган бўламиз. Бундай ишларда аввало Яратгандан ёрдам сўраб, қолаверса ҳар бир ишларимизни сидқидилдан адо этсак, ана шунда улкан ютуқларга эришамиз.
Шавкатжон Ботиров,
Данғара тумани “Сайидаҳмадхон ҳожи” масжиди ноиби-имоми
