Муқаддас ҳаж амалларини аъло даражада адо этиб, қалблари қувонч ва шукроналикка тўлиб қайтган, қайтаётган ҳожиларимиз “Ҳаж – 2026” ташкилотчилари номига самимий ташаккурномалар йўллашмоқда. Қуйида баъзиларидан парчалар келтирамиз.
«Ҳаж-2026» мавсумини чиройли ташкил этганлардан миннатдормиз
Муқаддас Мадина, Макка шаҳарларига келишимиздан бошлаб, Мино, Арафот, Муздалифа водийлари ва Жамаротда ибодатларни тўла-тўкис адо этишимиз учун жуда катта хизмат қилинди. Жазирама иссиқда чодирлардаги совуткичлар мунтазам ишлаб турди. Шинам меҳмонхоналар, уч маҳал иссиқ таомлар ва шифокорларнинг беғараз ёрдами тизимли ташкил этилди. Бизга мана шундай юксак шароитларни яратиб берган муҳтарам Юртбошимизга, Дин ишлари бўйича қўмита ва Ўзбекистон мусулмонлари идораси раҳбариятига, барча ташкилотчиларга гуруҳимиз номидан чексиз раҳмат айтаман.
Жиззах вилояти 13-гуруҳ зиёратчилари номидан
Аббосхон Сирожиддинов
Ташкилотчиларнинг оғир ва машаққатли меҳнати таҳсинга лойиқ
Ҳаж амалларини хотиржам бажаришимизда кеча-кундуз хизмат қилган «Ҳаж-2026» ишчи гуруҳидан Аллоҳ рози бўлсин. Муқаддас қадамжоларда намозларимиз ўз вақтида адо этилишини таъминлаган гуруҳ раҳбарлари, илмли шайхларимиз ва қориларимиз сафаримиз файзини оширди. Биз учун бундай фидоийлик кўрсатган ташкилотчиларга ва давлатимиз раҳбарига чуқур миннатдорчилик билдирамиз. Қилган хизматларингиз ажрини Яратган кўпайтириб берсин!
Наманган вилояти 24-гуруҳ
ҳожи оталари ва ҳожи оналари
Ҳар бир қадамда ғамхўрлик ва эътиборни ҳис қилдик
Ватанимиздан чиқиб то яна қайтиб келгунимизга қадар ҳар бир қадамда Юртбошимиз раҳнамолигида ҳаж ишларини ташкил қилган мутасаддилар томонидан ғамхўрлик ва эътиборни ҳис қилиб турдик. Меҳмонхоналардаги шароитлар, шифокорларнинг беминнат тиббий хизмати, иссиқ таомларнинг ўз вақтида етказиб берилиши бор эътиборимизни ибодатга қаратишга имкон берди. Бизга шундай қулайликлар қилиб берган барчага самимий ташаккур айтамиз. Илоҳим, нима яхши ният қилган бўлсалар, Аллоҳ ижобат қилсин!
Самарқанд вилояти ҳожилари
Мино ва Арафотдаги шароитлар юқори даражада бўлди
Бу йилги Ҳаж сафари ташкилотчилик жиҳатидан жуда юқори даражада ўтди. Айниқса, Саудиянинг иссиқ иқлимида Мино ва Арафотда ҳозирланган шароитлар, қайнатиб қўйилган чойлару музлатгичлардаги салқин сувлар бизга жуда қўл келди.
Уламоларимизнинг гўзал маърузалари билан қалбларимиз нурга тўлди. Ушбу улуғвор ишлар замирида жуда катта меҳнат, заҳматли хизматлар қилинишига ўзимиз гувоҳ бўлдик. Бу ишларда бош-қош бўлган раҳбарлар, ишчи гуруҳ, элликбошилар, ошпазлару шифокорларга катта раҳматлар айтамиз.
Андижон вилояти зиёратчилари
***
Muqaddas haj amallarini a’lo darajada ado etib, qalblari quvonch va shukronalikka to‘lib qaytgan, qaytayotgan hojilarimiz “Haj – 2026” tashkilotchilari nomiga samimiy tashakkurnomalar yo‘llashmoqda. Quyida ba’zilaridan parchalar keltiramiz.
«Haj-2026» mavsumini chiroyli tashkil etganlardan minnatdormiz
Muqaddas Madina, Makka shaharlariga kelishimizdan boshlab, Mino, Arafot, Muzdalifa vodiylari va Jamarotda ibodatlarni to‘la-to‘kis ado etishimiz uchun juda katta xizmat qilindi. Jazirama issiqda chodirlardagi sovutkichlar muntazam ishlab turdi. Shinam mehmonxonalar, uch mahal issiq taomlar va shifokorlarning beg‘araz yordami tizimli tashkil etildi. Bizga mana shunday yuksak sharoitlarni yaratib bergan muhtaram Yurtboshimizga, Din ishlari bo‘yicha qo‘mita va O‘zbekiston musulmonlari idorasi rahbariyatiga, barcha tashkilotchilarga guruhimiz nomidan cheksiz rahmat aytaman.
Jizzax viloyati 13-guruh ziyoratchilari nomidan
Abbosxon Sirojiddinov
Tashkilotchilarning og‘ir va mashaqqatli mehnati tahsinga loyiq
Haj amallarini xotirjam bajarishimizda kecha-kunduz xizmat qilgan «Haj-2026» ishchi guruhidan Alloh rozi bo‘lsin. Muqaddas qadamjolarda namozlarimiz o‘z vaqtida ado etilishini ta’minlagan guruh rahbarlari, ilmli shayxlarimiz va qorilarimiz safarimiz fayzini oshirdi. Biz uchun bunday fidoiylik ko‘rsatgan tashkilotchilarga va davlatimiz rahbariga chuqur minnatdorchilik bildiramiz. Qilgan xizmatlaringiz ajrini Yaratgan ko‘paytirib bersin!
Namangan viloyati 24-guruh
hoji otalari va hoji onalari
Har bir qadamda g‘amxo‘rlik va e’tiborni his qildik
Vatanimizdan chiqib to yana qaytib kelgunimizga qadar har bir qadamda Yurtboshimiz rahnamoligida haj ishlarini tashkil qilgan mutasaddilar tomonidan g‘amxo‘rlik va e’tiborni his qilib turdik. Mehmonxonalardagi sharoitlar, shifokorlarning beminnat tibbiy xizmati, issiq taomlarning o‘z vaqtida yetkazib berilishi bor e’tiborimizni ibodatga qaratishga imkon berdi. Bizga shunday qulayliklar qilib bergan barchaga samimiy tashakkur aytamiz. Ilohim, nima yaxshi niyat qilgan bo‘lsalar, Alloh ijobat qilsin!
Samarqand viloyati hojilari
Mino va Arafotdagi sharoitlar yuqori darajada bo‘ldi
Bu yilgi Haj safari tashkilotchilik jihatidan juda yuqori darajada o‘tdi. Ayniqsa, Saudiyaning issiq iqlimida Mino va Arafotda hozirlangan sharoitlar, qaynatib qo‘yilgan choylaru muzlatgichlardagi salqin suvlar bizga juda qo‘l keldi.
Ulamolarimizning go‘zal ma’ruzalari bilan qalblarimiz nurga to‘ldi. Ushbu ulug‘vor ishlar zamirida juda katta mehnat, zahmatli xizmatlar qilinishiga o‘zimiz guvoh bo‘ldik. Bu ishlarda bosh-qosh bo‘lgan rahbarlar, ishchi guruh, ellikboshilar, oshpazlaru shifokorlarga katta rahmatlar aytamiz.
Andijon viloyati ziyoratchilari
