Фарғона вилояти Адлия бошқармасида имом-хатиблар ҳамда мутаваллилар иштирокида амалий-ҳуқуқий масалаларга бағишланган мулоқот ташкил этилди. Унда Фарғона вилояти Адлия бошқармаси мутахассислари, Фарғона вилояти вакиллиги ҳуқуқшуноси У.Мусаевлар қатнашди.
Тадбир давомида меҳнат қонунчилиги ҳамда солиқ соҳасига оид қатор масалалар муҳокама қилиниб, иштирокчиларни қизиқтирган саволларга мутахассислар томонидан батафсил жавоблар берилди. Шунингдек, масжидлар молиявий ҳисоботларини белгиланган тартибда электрон порталга жойлаш бўйича йўриқнома тақдим қилиниб, амалий кўрсатмалар берилди.
Тадбирда, шу билан бирга, “Ўзбекистон Республикасининг айрим қонун ҳужжатларига ҳомийлик фаолиятини амалга ошириш тартибини такомиллаштиришга қаратилган ўзгартириш ва қўшимчалар киритиш тўғрисида”ги Ўзбекистон Республикаси қонунида белгиланган янгиликлар ҳам иштирокчилар эътиборига ҳавола этилди. Мазкур қонун доирасида ҳомийлик фаолиятини қонуний ва шаффоф тарзда амалга ошириш, маблағлардан мақсадли фойдаланиш масалалари юзасидан тушунтириш берилди.
***
Farg‘ona viloyati Adliya boshqarmasida imom-xatiblar hamda mutavallilar ishtirokida amaliy-huquqiy masalalarga bag‘ishlangan muloqot tashkil etildi. Unda Farg‘ona viloyati Adliya boshqarmasi mutaxassislari, Farg‘ona viloyati vakilligi huquqshunosi U.Musayevlar qatnashdi.
Tadbir davomida mehnat qonunchiligi hamda soliq sohasiga oid qator masalalar muhokama qilinib, ishtirokchilarni qiziqtirgan savollarga mutaxassislar tomonidan batafsil javoblar berildi. Shuningdek, masjidlar moliyaviy hisobotlarini belgilangan tartibda elektron portalga joylash bo‘yicha yo‘riqnoma taqdim qilinib, amaliy ko‘rsatmalar berildi.
Tadbirda, shu bilan birga, “O‘zbekiston Respublikasining ayrim qonun hujjatlariga homiylik faoliyatini amalga oshirish tartibini takomillashtirishga qaratilgan o‘zgartirish va qo‘shimchalar kiritish to‘g‘risida”gi O‘zbekiston Respublikasi qonunida belgilangan yangiliklar ham ishtirokchilar e’tiboriga havola etildi. Mazkur qonun doirasida homiylik faoliyatini qonuniy va shaffof tarzda amalga oshirish, mablag‘lardan maqsadli foydalanish masalalari yuzasidan tushuntirish berildi.
