Бисмиллаҳир Роҳманир Роҳийм
Бу фазилатли кунни Аллоҳ таоло мусулмонларга насиб айлади. Парвардигор ҳар жума куни олти юз минг кишини дўзахдан озод қилади.
Жума куни вафот этган бандага шаҳидлик ажри берилиши, Аллоҳ таоло уни қабр азобидан сақлаши ҳақида ҳадислар келтирилган.
Жума куни айтилган салавотнинг савоби беҳаддир.
Жума намози Исро кечасида фарз бўлган, лекин мусулмонларнинг сони кам бўлгани сабабли ҳижратга қадар ўқилмаган.
Жума намози Пайғамбар соллаллоҳу алайҳи васаллам Қубода бўлган пайтларида фарз бўлди.
У зот алайҳиссалом Қубода бир ҳафта турдилар, сўнг Мадина томон отландилар.
Илк жума намозини Мадинаи Мунавварадан бир мил узоқликдаги Нақийъул Хазимот деган жойда Бану Солим ибн Авфнинг маҳалласида ўқидилар. Ҳозир ўша ерда «Жума» масжиди қурилган.
Исломдан олдин жума кунини «аруба» деб аташган. Унинг яна бир номи – «явмул мазийд», яъни хайру баракот зиёда қилиб бериладиган кун.
Шунингдек, жума кечаси ҳафтанинг бошқа кечаларидан афзал ҳисобланади.
Аллоҳ таоло барчамизга жума айёмини муборак этсин! Бу муқаддас кунлардаги ибодат ва дуоларимизни даргоҳида холис қабул айласин!
«Жума ҳақидаги оят ва ҳадислар» китобидан
***
Bismillahir Rohmanir Rohiym
Bu fazilatli kunni Alloh taolo musulmonlarga nasib ayladi. Parvardigor har juma kuni olti yuz ming kishini do‘zaxdan ozod qiladi.
Juma kuni vafot etgan bandaga shahidlik ajri berilishi, Alloh taolo uni qabr azobidan saqlashi haqida hadislar keltirilgan.
Juma kuni aytilgan salavotning savobi behaddir.
Juma namozi Isro kechasida farz bo‘lgan, lekin musulmonlarning soni kam bo‘lgani sababli hijratga qadar o‘qilmagan.
Juma namozi Payg‘ambar sollallohu alayhi vasallam Quboda bo‘lgan paytlarida farz bo‘ldi.
U zot alayhissalom Quboda bir hafta turdilar, so‘ng Madina tomon otlandilar.
Ilk juma namozini Madinai Munavvaradan bir mil uzoqlikdagi Naqiy’ul Xazimot degan joyda Banu Solim ibn Avfning mahallasida o‘qidilar. Hozir o‘sha yerda «Juma» masjidi qurilgan.
Islomdan oldin juma kunini «aruba» deb atashgan. Uning yana bir nomi – «yavmul maziyd», ya’ni xayru barakot ziyoda qilib beriladigan kun.
Shuningdek, juma kechasi haftaning boshqa kechalaridan afzal hisoblanadi.
Alloh taolo barchamizga juma ayyomini muborak etsin! Bu muqaddas kunlardagi ibodat va duolarimizni dargohida xolis qabul aylasin!
«Juma haqidagi oyat va hadislar» kitobidan
