МИССИОНЕРЛАР АЛДОВИГА УЧМАНГ
Афсуски, сўнгги пайтларда айрим юртдошларимиз миссионерларнинг алдовига учиб, турли ноқонуний диний секталар таъсирига тушиб қолмоқда. Бундай шахсларни нотўғри йўлдан қайтариш, уларга муқаддас ислом динимиз моҳиятини етказиш мақсадида диний соҳа вакиллари жойларда турли тарғибот-ташвиқот тадбирларини ўтказиб келмоқда.
Хусусан, яқинда Ўзбекистон мусулмонлари идорасининг Фарғона вилояти вакиллиги ва «Вақф» хайрия жамоат фондининг вилоят филиали томонидан эшитиш ва гапиришда нуқсони бўлган 200 нафардан зиёд юртдошимиз иштирокида диний-маърифий тадбир ташкил этилди. Фарғона шаҳридаги «Хўжамбердибой» жоме масжидида «Сиз бизга кераксиз!» шиори остида ўтказилган тадбир давомида миссионерларнинг алдовлари ортида нима яширингани содда тарзда тушунтирилди. Мутахассислар ёт оқимлар таъсирига тушиб қолганлар тақдири охир-оқибат нима билан тугашини ҳаётий мисолларда иштирокчиларга етказди.
Тадбир сўнггида юртдошларимизга турли озиқ-овқат маҳсулотлари хайрия қилинди.
«Вақф» хайрия жамоат фондининг вилоят филиали
* * *
Afsuski, so‘nggi paytlarda ayrim yurtdoshlarimiz missionerlarning aldoviga uchib, turli noqonuniy diniy sektalar ta’siriga tushib qolmoqda. Bunday shaxslarni noto‘g‘ri yo‘ldan qaytarish, ularga muqaddas islom dinimiz mohiyatini yetkazish maqsadida diniy soha vakillari joylarda turli targ‘ibot-tashviqot tadbirlarini o‘tkazib kelmoqda.
Xususan, yaqinda O‘zbekiston musulmonlari idorasining Farg‘ona viloyati vakilligi va «Vaqf» xayriya jamoat fondining viloyat filiali tomonidan eshitish va gapirishda nuqsoni bo‘lgan 200 nafardan ziyod yurtdoshimiz ishtirokida diniy-ma’rifiy tadbir tashkil etildi. Farg‘ona shahridagi «Xo‘jamberdiboy» jome masjidida «Siz bizga keraksiz!» shiori ostida o‘tkazilgan tadbir davomida missionerlarning aldovlari ortida nima yashiringani sodda tarzda tushuntirildi. Mutaxassislar yot oqimlar ta’siriga tushib qolganlar taqdiri oxir-oqibat nima bilan tugashini hayotiy misollarda ishtirokchilarga yetkazdi.
Tadbir so‘nggida yurtdoshlarimizga turli oziq-ovqat mahsulotlari xayriya qilindi.
«Vaqf» xayriya jamoat fondining viloyat filiali
