Шу йил, 10 октябрь куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Фарғона вилояти Данғара туманидаги “Саид Аҳмадхон ҳожи” масжидига ташриф буюриб, жамоатга маърифий суҳбат қилдилар. Шайх Нуриддин Холиқназар ҳазратлари масжид қавмига Расулуллоҳ соллаллоҳу алайҳи васалламнинг умматларга бўлган муҳаббатлари, кўрмай у кишига имон келтирганларни соғинишлари ва дуолари ҳақида сўзлаб бердилар.
Муфтий ҳазратлари суҳбатларида айни кунларда мусулмон дунёсида Расулуллоҳ соллаллоҳу алайҳи васаллам таваллуд топган ой нишонланаётгани, бу санада Ул зотнинг сийратларини кўпроқ мутолаа қилиб, салавоту саломлар йўллашнинг фазилати ҳақида сўз қилдилар.
Ўзбекистон мусулмонлари идораси
Матбуот хизмати
