Бугун, 6 декабрь куни Фарғона шаҳридаги Корея халқаро университетида вилоятдаги ижтимоий соҳа, cоғлиқни сақлаш, миллий маданий марказлар, жамоат ташкилотлари вакилларининг бир гуруҳига “Ўзбекистон Конститусиясининг 30 йиллиги” эсдалик нишонини тантанали топшириш маросими бўлиб ўтди.
Унда вилоят ҳокими ўринбосарлари Файзулло Қосимов, Жамшид Ҳатамов, Хуршид Аҳмедовлар тадбир иштирокчиларини Ўзбекистон Республикаси бош қомусининг 30 йиллиги байрами билан қутлаб, янги Ўзбекистоннинг тараққиётида барчага муваффақиятлар ёр бўлишини тилади.
Ўзбекистон мусулмонлари идораси Фарғона вилояти вакили, вилоят бош имом-хатиби Убайдуллоҳ домла Абдуллаев ҳамда Марғилон шаҳар «Саид Жалолхонтўра» масжиди имом-хатиби Юнусхон домла Мамарасуловлар ҳам “Ўзбекистон Конститусиясининг 30 йиллиги” эсдалик нишони билан тақдирландилар.
Фарғона вилояти вакиллиги Матбуот хизмати
