Шу йилнинг 7 май куни “Ягона олимпиада – 2025” билимлар беллашувининг якуний республика босқичи Мир Араб олий мадрасасида бўлиб ўтди. Унда 10 та ўрта махсус ислом таълим муассасалари кесимида биринчиликни қўлган киритган талабалар иштирок этди.
Танловда иштирокчилар араб тили, фиқҳ ва ақоид фанлари бўйича ўзаро билим ва малакаларини синовдан ўтказди. Тест жараёнларини малакали ҳакамлар ҳайъати баҳолаб борди.
Қизғин кечган баҳслардан сўнг якуний натижалар қуйидагича бўлди:
I-ўринни “Саййид Муҳйиддин махдум” ўрта махсус ислом таълим муассасаси талабаси Хожиакбар Парпиев Одилжон ўғли қўлга киритди.
Хожиакбар Парпиев “Вақф” хайрия жамоат фонди гранти асосида олий диний таълим муассасасига конкурссиз ўқишга кириш, Ўзбекистон мусулмонлари идорасининг биринчи даражали диплом ва ва 7 миллион сўм пул мукофоти соҳибига айланди;
II-ўрин “Хадичаи Кубро” аёл-қизлар ўрта махсус ислом таълим муасcасаси талабаси Зиёда Иброҳимова Шухрат қизига насиб этди.
Зиёда Иброҳимова олий диний таълим муассасасига ўқишга кириши учун имтиҳон натижалари бўйича ўзи тўплаган балнинг 50 фоизи миқдорида қўшимча балл қўшиб бериш имтиёзи, Ўзбекистон мусулмонлари идорасининг иккинчи даражали диплом ва 5 миллион сўм пул мукофотига сазовор бўлди;
III-ўринга “Хожа Бухорий” ўрта махсус ислом таълим муассасаси талабаси Маруфов Адҳам Исмоил ўғли муносиб деб топилди.
Адҳам Маъруфов олий диний таълим муассасасига ўқишга кириши учун имтиҳон натижалари бўйича ўзи тўплаган балнинг 25 фоизи миқдорида қўшимча балл қўшиб бериш имтиёзи, Ўзбекистон мусулмонлари идорасининг учинчи даражали диплом ва 5 миллион сўм пул мукофоти билан тақдирланди.
Танловнинг бошқа иштирокчиларига ҳам қимматбаҳо совғалар ва фахрий ёрлиқлар топширилди.
Аллоҳ таоло олимпиада ғолибларига имтиёз ва совринларни муборак қилсин, илм йўлидаги мусобақаларини бардавом бўлишини насиб этсин!
***
Shu yilning 7 may kuni “Yagona olimpiada – 2025” bilimlar bellashuvining yakuniy respublika bosqichi Mir Arab oliy madrasasida bo‘lib o‘tdi. Unda 10 ta o‘rta maxsus islom ta’lim muassasalari kesimida birinchilikni qo‘lgan kiritgan talabalar ishtirok etdi.
Tanlovda ishtirokchilar arab tili, fiqh va aqoid fanlari bo‘yicha o‘zaro bilim va malakalarini sinovdan o‘tkazdi. Test jarayonlarini malakali hakamlar hay’ati baholab bordi.
Qizg‘in kechgan bahslardan so‘ng yakuniy natijalar quyidagicha bo‘ldi:
I-o‘rinni “Sayyid Muhyiddin maxdum” o‘rta maxsus islom ta’lim muassasasi talabasi Xojiakbar Parpiyev Odiljon o‘g‘li qo‘lga kiritdi.
Xojiakbar Parpiyev “Vaqf” xayriya jamoat fondi granti asosida oliy diniy ta’lim muassasasiga konkurssiz o‘qishga kirish, O‘zbekiston musulmonlari idorasining birinchi darajali diplom va va 7 million so‘m pul mukofoti sohibiga aylandi;
II-o‘rin “Xadichai Kubro” ayol-qizlar o‘rta maxsus islom ta’lim muascasasi talabasi Ziyoda Ibrohimova Shuxrat qiziga nasib etdi.
Ziyoda Ibrohimova oliy diniy ta’lim muassasasiga o‘qishga kirishi uchun imtihon natijalari bo‘yicha o‘zi to‘plagan balning 50 foizi miqdorida qo‘shimcha ball qo‘shib berish imtiyozi, O‘zbekiston musulmonlari idorasining ikkinchi darajali diplom va 5 million so‘m pul mukofotiga sazovor bo‘ldi;
III-o‘ringa “Xoja Buxoriy” o‘rta maxsus islom ta’lim muassasasi talabasi Marufov Adham Ismoil o‘g‘li munosib deb topildi.
Adham Ma’rufov oliy diniy ta’lim muassasasiga o‘qishga kirishi uchun imtihon natijalari bo‘yicha o‘zi to‘plagan balning 25 foizi miqdorida qo‘shimcha ball qo‘shib berish imtiyozi, O‘zbekiston musulmonlari idorasining uchinchi darajali diplom va 5 million so‘m pul mukofoti bilan taqdirlandi.
Tanlovning boshqa ishtirokchilariga ham qimmatbaho sovg‘alar va faxriy yorliqlar topshirildi.
Alloh taolo olimpiada g‘oliblariga imtiyoz va sovrinlarni muborak qilsin, ilm yo‘lidagi musobaqalarini bardavom bo‘lishini nasib etsin!
