2024 йилнинг 15-16 октябрь кунлари Тошкент ва Хива шаҳарларида “Ислом – тинчлик ва эзгулик дини” мавзусида халқаро конференция ўтказилиши режалаштирилган. Конференция материаллари алоҳида тўплам сифатида чоп этилиши белгиланган.
Шу муносабат билан конференция материаллари тўпламида ўз мақолаларини чоп эттириш истагида бўлган етук уламолар, иқтидорли имом-хатиблар, таълим муассасаларининг мударрис-ўқитувчилари, исломшунос олим ва тадқиқотчилар, соҳа вакиллари ва салоҳиятли талабаларни ўзларининг илмий мақолалари билан фаол иштирок этишга чақирамиз.
Тезис матнини расмийлаштириш талаблари:
1. Тезис матни MS Office дастурининг WORD 2010 муҳарририда, Times New Roman шрифти, 14 кегел катталиги, 1,5 интервалда бўлиши ва 4 бетдан ошмаслиги лозим.
2. Тезис матнлари таҳрир қилинган ҳолда А4 ҳажмдаги қоғозга, юқоридан ва пастдан 2,5 см., чапдан 3 см., ўнгдан 1,5 см. жой қолдириб, 1 нусхада топширилади. Тезисни тайёрлашда фойдаланилган адабиётлар ҳар бир саҳифа остида ҳавола (сноска) тарзида берилади.
3. Маърузачининг исми фамилияси, илмий даража ва унвони (ўнг юқори бурчак, курсивда, 10 кегель катталигидаги шрифт, 1 интервал), ташкилот ва шаҳар номи, мулоқот телефонлари жой коди билан (иккинчи қаторда) кўрсатилади. Сўнгра 1 интервал қолдириб, тезиснинг номи бош ҳарфлар билан ёзилади. Асосий матн 1,5 интервалли қаторларда ёзилади.
Талабгорлар тезисларини 2024 йил 20 сентябрга қадар Ўзбекистон халқаро ислом академиясининг ташкилий қўмитаси: Н.Саминова (телеграм номери: 99 327-23-08)га электрон нусхада юборишлари мумкин.
Конференция мавзуси, илмийлик ва нашр этиш талабларига жавоб бермайдиган тезислар чоп этилмайди.
Илмий тезис матнида келтирилган маълумотларнинг ҳаққонийлигига муаллифлар жавобгардир.
Ўзбекистон мусулмонлари идораси
Матбуот хизмати
***
2024 yilning 15-16 oktyabr kunlari Toshkent va Xiva shaharlarida “Islom – tinchlik va ezgulik dini” mavzusida xalqaro konferensiya o‘tkazilishi rejalashtirilgan. Konferensiya materiallari alohida to‘plam sifatida chop etilishi belgilangan.
Shu munosabat bilan konferensiya materiallari to‘plamida o‘z maqolalarini chop ettirish istagida bo‘lgan yetuk ulamolar, iqtidorli imom-xatiblar, ta’lim muassasalarining mudarris-o‘qituvchilari, islomshunos olim va tadqiqotchilar, soha vakillari va salohiyatli talabalarni o‘zlarining ilmiy maqolalari bilan faol ishtirok etishga chaqiramiz.
Tezis matnini rasmiylashtirish talablari:
1. Tezis matni MS Office dasturining WORD 2010 muharririda, Times New Roman shrifti, 14 kegel kattaligi, 1,5 intervalda bo‘lishi va 4 betdan oshmasligi lozim.
2. Tezis matnlari tahrir qilingan holda A4 hajmdagi qog‘ozga, yuqoridan va pastdan 2,5 sm., chapdan 3 sm., o‘ngdan 1,5 sm. joy qoldirib, 1 nusxada topshiriladi. Tezisni tayyorlashda foydalanilgan adabiyotlar har bir sahifa ostida havola (snoska) tarzida beriladi.
3. Ma’ruzachining ismi familiyasi, ilmiy daraja va unvoni (o‘ng yuqori burchak, kursivda, 10 kegel kattaligidagi shrift, 1 interval), tashkilot va shahar nomi, muloqot telefonlari joy kodi bilan (ikkinchi qatorda) ko‘rsatiladi. So‘ngra 1 interval qoldirib, tezisning nomi bosh harflar bilan yoziladi. Asosiy matn 1,5 intervalli qatorlarda yoziladi.
Talabgorlar tezislarini 2024 yil 20 sentyabrga qadar O‘zbekiston xalqaro islom akademiyasining tashkiliy qo‘mitasi: N.Saminova (telegram nomeri: 99 327-23-08)ga elektron nusxada yuborishlari mumkin.
Konferensiya mavzusi, ilmiylik va nashr etish talablariga javob bermaydigan tezislar chop etilmaydi.
Ilmiy tezis matnida keltirilgan ma’lumotlarning haqqoniyligiga mualliflar javobgardir.
O‘zbekiston musulmonlari idorasi
Matbuot xizmati
